O’zbekiston Respublikasi Prezidentining “2018/2019 o‘quv yilida O‘zbekiston Respublikasining oliy ta’lim muassasalariga o‘qishga qabul qilish to‘g‘risida” qarori ijrosini taminlash maqsadida Buxoro davlat universitetida 2019-yilning 31-may kuni “Ochiq eshiklar kuni” (OTMlar qabuli jarayonidagi ozgarishlar) tadbiri bo`lib otdi. Bu tadbirda maktab, kasb-hunar kollejlari va akademik litseylardan 500 nafardan ortiq bitiruvchilar qatnashishdi. Tadbirda Buxoro davlat universiteti rektori O.X. Xamidov, Buxoro viloyat Аdliya boshqarmasi birinchi o’rinbosari А.I. Rahmatov, Viloyat prokuraturasi Ijtimoiy qonunlar ijrosi yuzasidan bo`limi prokurori U.U. Jo`raev, Buxoro viloyat Davlat test markazi bo’limi boshlig’i N.G. Sevinchov, Buxoro viloyat kasb-hunar ta'limihududiy boshqarmasi boshlig’i H.H. Qobilov, Buxoro viloyat xalq ta'limi boshqarmasi boshlig’i А. Safarovlar boshchiligida maktab, akademik lisey va kasb-hunar kollejlari bitiruvchilari bilan davra suhbatlari tashkil etilib, Buxoro davlat universiteti fakultetlari va mutaxassis tayyorlovchi kafedralari faoliyati haqida talabalar uchun universitetda yaratib beriladigan sharoitlar haqida ma’lumotlar va tegishli tavsiyalar berildi.Shuningdek, tadbir ishtirokchilariga Buxoro viloyat Davlat test markazi bo’limi boshlig’i N.G. Sevinchov tomonidan 2019/2020 o’quv yili qabul kvotalaridagi o’zgarishlar, kirish imtihonlari, davlat grantlari va to’lov-kontrakt asosida o’qishga qabul qilinadigan talabalarning huquq va majburiyatlari to’g’risida batafsil ma’lumotlar berib o’tildi.Tadbir yuqori saviyada tashkil qilinib, universitetdagi mutaxassis tayyorlovchi kafedralar tomonidan universitet bo’ylab tashkil etilgan ekskursiya hamda ko’rgazmalar tadbirga kelgan ko’pchilik maktab va kasb-hunar kollejlari bitiruvchilariga qiziqish uyg’otdi. Tadbirni yoritishda ommaviy axborot vositalari (Buxoro televideniyasi) jalb qilindi.
