Tashrif davomida universitet kichik faollar zalida barcha prorektor, dekanlar, kafedra mudirlar ishtirokida universitet haqida ma’lumot berildi. Uchrashuv BuxDU rektori Obidjon Xamidov tomonidan ochib berildi hamda kelajakda SAHID GROUP va universitet o’rtasida keng hamkorlikni yo’lga qo’yish va buning uchun imkoniyatlar yetarli ekanligi, Indoneziya OTMlari bilan hozirgi davrgacha amalga oshirilgan ishlar to’g’risida fikr bildirildi. Shuningdek, hamkorlikni amalga oshirish ikki tomon uchun ham muhim foydali ekanligi janob Hariyadi Sukamdani tomonidan ham ta’kidlandi. Kichik zaldagi umumiy yig’ilish oxirida Sahid universiteti, Sahid davlat politexnika texnologiya universiteti hamda Buxoro davlat universiteti o’rtasida Memorandum imzolandi.Shuningdek, hamkorlikni rivojlantirish yo’nalishlari bo’yicha kelishuvlarga erishish maqsadida BuxDU rektori qabulida tor doirada ya’ni delegatlar, universitet rektori, Turizm fakulteti dekani va mudirasi, Turizm kolleji vakillari ishtirokida uchrashuv tashkil etildi. Uchrashuv davomida turizm fakulteti professor-o’qituvchilari va Sahid universiteti xodimlari bilan hamkorlikda malaka oshirish kurslarini tashkil etish, double degree dasturlari amalga oshirish, professor-o’qituvchilarni jalb qilish kabi mavzular muhokama qilindi va rejalar asosida barcha yo’nalishlarda ilmiy, amaliy tajribalar almashishga kelishildi.
