2017 yil 17 may kuni Buxoro davlat universitetida O'zbekiston Xalq shoiri Jamol Kamolning ijodiga bag'ishlangan “Ey ko'ngil, mardona bo'l” deb nomlangan adabiy-musiqiy, ma'rifiy tadbir o'tkazildi. Tadbir O'zbekiston Respublikasi Prezidentining 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ'ibot qilish bo'yichaKomissiya tuzish to'g'risida”gi F-4789-sonli farmoyishida belgilangan vazifalar ijrosini ta'minlash hamda universitetda kitobxonlikni keng targ'ib etish, talabalarda kitobni mutolaa qilishga bo'lgan qiziqishini yanada oshirish va rag'batlantirish maqsadida tashkil etildi. Unda O'zbekiston yozuvchilar uyushmasi Buxoro viloyati bo'limi, filologiya, tarix fakulteti professor-o'qituvchilari va talabalari ishtirok etib, Jamol Kamol ijodining o'ziga xos xususiyatlari haqida ma'ruza qildilar. Shuningdek, shoir ijodidan she'rlar aytilib, “Armon” dostonidan sahna ko'rinishi namoyish etildi. Tadbir so'nggida Jamol Kamol o'zining yangi nashrdan chiqqan kitoblarini talabalarga ulashdi.
