“Kamolot” yoshlar ijtimoiy harakati Vasiylik Kengashining 2015 yil 10 dekabrdagi 65-sonlimajlisi bayoni bilan tasdiqlangan “O’zbekiston Respublikasida 2016 yilda yoshlarga oid davlat siyosatini amalga oshirishga qaratilgan qo’shimcha chora-tadbirlar Dasturi”ning II yo’nalish 21-bandiga muvofiq oliy ta’lim muassasalarida tahsil olayotgan talabalarni mamlakatimizda amalga oshirilayotgan keng ko’lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta o’zlashtirgan har tomondan sog’lom va barkamol avlodni voyaga etkazish hamda ularni teatr san’atiga muhabbat ruhida tarbiyalash maqsadida tashkil etilgan Talabalar teatr studiyalari respublika festivalining saralash bosqichi Buxoro viloyatida o’tkazildi. Tanlovda Buxoro davlat universiteti, Buxoro muhandislik-texnologiya instituti, Buxoro davlat tibbiyot instituti, Toshkent irrigasiya va meliorasiya instituti Buxoro filiali, Toshkent davlat stomatologiya instituti Buxoro filiali jamoalari ijodiy mahoratini namoyish etdi. Festivalning saralash bosqichida universitetning “Fitrat” jamoasi “Afandining uyida beshik to’yi” spektakli bilan qatnashib faxrli I o’rinni qo’lga kiritdi va tanlovning mintaqaviy bosqichida qatnashish huquqini qo’lga kiritdi. [widgetkit id=77]
