Iqtidorli yoshlarni izlab topish, ularni qo’llab-quvvatlash hamda jamoat ishlarida faolligini oshirish maqsadida har yili “Kamolot” YoIH tomonidan oliy ta’lim muassasalari o’rtasida “Kamolot stipendiyasi” tanlovi o’tkazilib kelinmoqda. Tanlov ishtirokchilaridan biri Buxoro davlat universiteti magistranti Jahongir Ergashev o’zining ijtimoiy loyihasi “Kamolot” YoIH Buxoro viloyati Kengashi bilan hamkorlikda tashkil etilayotgan “Yosh rahbar” markazining ochilish marosimini joriy yilning 30 noyabr kuni Buxoro davlat universiteti binosida o’tkazdi.Tadbirni Buxoro davlat universiteti rektori A.A.To’laganov ochib berdi. Markazning maqsad va vazifalari ya’ni “Yosh rahbar” markazini tashkil kilishdan asosiy maksad talaba va yosh kadrlarning ongi va tafakkurini o’stirish, yosh kadrlarni o’z bilimlarini hayotda qo’llab ko’rishlari uchun imkoniyat yaratish, ularning ijtimoiy-siyosiy, ma’naviy-ma’rifiy dunyokarashlarini shakllantirish, yosh kadrlarda rahbarlik, boshqaruvchanlik sifatlarini takomillashtirishdan iboratligi to’g’risida “Kamolot” YoIH qoshidagi NTM Buxoro viloyati koordinatori Murodbek Aminov ma’lumot berib o’tdi. “Kamolot” YoIH BT etakchisi J.Ergashev loyiha taqdimotini o’tkazdi. Loyiha yuzasidan qo’shimcha taklif va fikr- mulohazalarini Buxoro davlat universitetining “Tarix” kafedrasi professori Shodmon Hayitov hamda Universitet kasaba uyushma qo’mitasi raisi Siddiq Qahhorov bildirib o’tishdi.Markaz faoliyati Buxoro davlat universitetining malakali professor-o’qituvchilari hamda hamkor tashkilotlarning tajribali mutaxassislari bilan birgalikda olib boriladi.Eslatma: “Yosh rahbar” markazi o’quv kurslari 5 dekabr kunidan boshlanadi.
