15.06.2026

Muhammad al-Xorazmiy nomidagi Toshkent axborot texnologiyalari universitetining Samarqand filialida “Informatika va axborot texnologiyalari” fani bo‘yicha Respublika fan olimpiadasining yakuniy bosqichi yuqori saviyada bo‘lib o‘tdi.

Mazkur nufuzli intellektual bellashuvda Buxoro davlat universiteti, Amaliy matematika va dasturlash texnologiyalari kafedrasi 4-bosqich “Kompyuter ilmlari va dasturlash texnologiyalari” ta’lim yo‘nalishi talabasi Amonov Ahmadjon Zafar o‘g‘li munosib ishtirok etib, faxrli 2-o‘rinni qo‘lga kiritdi.
 

Olimpiada yakunlariga ko‘ra:
1-o‘rin — Muhammad al-Xorazmiy nomidagi Toshkent axborot texnologiyalari universiteti talabasi Uteshova Raxima Tolgat qizi
2-o‘rin — Buxoro davlat universiteti talabasi Amonov Ahmadjon Zafar o‘g‘li
3-o‘rin — Mirzo Ulug‘bek nomidagi O‘zbekiston Milliy universiteti talabasi Mamadiyorov Samandar Baxtiyor o‘g‘li

Ma’lumot uchun, “Informatika va axborot texnologiyalari” fani bo‘yicha Respublika fan olimpiadasida 1-, 2- va 3-o‘rinlarni egallagan ishtirokchilar magistratura bosqichiga imtiyozli ravishda qabul qilinadi.
Ushbu natija Buxoro davlat universitetida axborot texnologiyalari, dasturlash hamda sun’iy intellekt yo‘nalishlari bo‘yicha olib borilayotgan sifatli ta’lim va ilmiy salohiyatning yana bir yorqin isbotidir. Talabalarimizning respublika miqyosidagi yutuqlari universitetning IT va sun’iy intellekt sohalarida o‘ziga xos o‘rni va nufuzi borligini namoyon etmoqda.
G‘olib va sovrindorlarni samimiy muborakbod etamiz! Kelgusidagi ilmiy va professional faoliyatlarida ulkan zafarlar tilaymiz.
Ularning yuzidagi quvonch va hayajon O‘zbekiston IT sohasining kelajagi ishonchli qo‘llarda ekanidan dalolat beradi.