10.06.2026

Toshlardan nur chiqdi. Tikondan chechak,

Sarg‘ish xazonlarni surishdik nari

Qaytadan to‘qildi ul eski ertak

Ko‘ksimga yo‘lama armon barglari.

Sen o‘sha subhda kokilim silab,

So‘ng ko‘zga pardalar tortgan janonim.

Ko‘zida yulduzni yashirib so‘ngra

Ko‘zidan durlarin to‘kkan jayronim.

O aziz hislarim, qadrdon yoshlik.

Qaqnusning qonidan qo‘ndir qoshingga.

Sen meni itarma sen mendan ketma,

Mayliga boribtur buloq boshiga.

O eski sag‘ana tortma quvonchim.

Bu qora tuproqni to‘ydirmas hech jon.

Biz o‘lmay o'ldirsa, bu jondan ne naf

Nafsimiz kasriga qolmasin iymon

Harqalay harsafar yozganim kabi

Na oʻqir she'rimni, na bilar Qalam.

Bolalik yoshlikka o‘rin boʻshatar

Yoshlik ham ketadi boʻlsa ham alam.

Oh xasis koshona kuldan ul kulba

Umr deb atarlur zotidir beshak.

Bu eski chigʻirdan oʻtmagan kim bor,

Oʻtarmiz ketarmiz aylan charxpalak.     

                                                                                                                                                                     Rajabova Shahrinoz,

BuxDU Filologiya fakulteti 4-bosqich talabasi