Yoshlar masalalari bo‘yicha respublika idoralararo kengashi majlisining 2018 yil 8 fevraldagi 4-sonli bayonida belgilangan vazifalar ijrosini ta‘minlash hamda talabalarda kitobxonlik madaniyatini oshirish, ijodiy salohiyatini rivojlantirish va qo‘llab-quvvatlash, ularni teatr san‘atiga muhabbat ruhida tarbiyalash, jamiyatda uchraydigan ijtimoiy muammolar va salbiy holatlarni sahna ko‘rinishlari orqali keng jamoatchilikka yetkazish maqsadida joriy yilning 19 aprel kuni viloyatdagi oliy ta`lim muassasalari talabalari o‘rtasida “Talabalar teatr studiyalari” festivalining saralash bosqichi o`tkazildi. Festivalda viloyat oliy ta`lim muassasalari tomonidan shakllantirilgan jamoalar o‘rtasida festivalning saralash bosqichi o‘tkazildi. Festival Buxoro viloyati musiqali drama teatri va O‘zbekiston yoshlar ittifoqi bilan hamkorlikda tashkil etildi. Festival nizomiga muvofiq Buxoro davlat universitetining “Fitrat” jamoasi “Eng yaxshi spektakl” nominatsiyasi bo‘yicha I DARAJALI DIPLOM bilan, Buxoro muxandislik-texnologiyalari institutining “Muxandislar” jamoasi II DARAJALI DIPLOM bilan, Buxoro davlat tibbiyot institutining “Avitsenna” jamoasi III DARAJALI DIPLOM bilan taqdirlandi. Shuningdek, "Eng yaxshi erkak" hamda "Eng yaxshi ayol" roli uchun BuxDU jamoasining talabalari taqdirlandi.
