2018 yilning mart oyida Buxoro davlat universiteti Tarix fakulteti talabalari o’rtasida o’tkazilib kelinayotgan “Zakovat intelektual” o’yining final bosqichi bo’lib o’tdi. Finalga 3 ta jamoa ishtirok etdi. Arxivshunoslik ta’lim yo’nalishining 1 kurs talabalari “Ligioner” jamoasi, Milliy g’oya, ma’naviyat asoslari va huquq ta’limi yo’nalishi “Respublikachilar” jamoasi, Tarix ta’lim yo’nalishi “Temur avlodlari” jamoalari o’zaro bellashdilar. Hakamlar Turizm fakulteti dekani A.T.Jo’rayev, Tarix fakulteti “Tarix” kafedrasi katta o’qituvchisi M.Z.Orziyev, universitet yoshlar ittifoqi boshlang’ich tashkiloti yetakchisi F.N.Nurullayev, Tarix fakulteti kasaba uyushmasi raisi U.Jurayevlardan iborat tarkibda tuzildi. Talabalarning topqirligi, tezkorligi, savollarga javob berishda mantiqiy yondashib to’plagan ballari asosida hakamlar tomonidan quyidagi natija qayd etildi: 1-o’rinni Arxivshunoslik ta’lim yo’nalishining 1 kurs talabalari “Ligioner” jamoasi, 2-o’rinni Milliy g’oya, ma’naviyat asoslari va huquq ta’lim yo’nalishi “Respublikachilar” jamoasi, 3-o’rinni Tarix ta’lim yo’nalishi “Temur avlodlari” jamoasi qo’lga kiritdi. Bellashuv so’ngida talabalar “Zakovat kubogi” hamda diplom va estalik sovg’alar bilan taqdirlandilar.