Bugungi kunda mamlakatimiz tashqi siyosatning faollashuvi natijasida xorijiy mamlakatlar bilan ko’p qirrali va o’zaro manfaatli hamkorlikni mustahkamlashda salmoqli natijalarga erishilmoqda. Markaziy Osiyo davlatlari bilan munosabatlar sifat jihatidan yangi bosqichga ko’tarilmoqda.2018 yilning 25 aprel kuni Buxoro davlat universitetida O’zbekiston “Adolat” SDP Buxoro viloyat Kengashi bilan hamkorlikda universitetning magistratura talabalari ishtirokida “O’zbekiston Respublikasining vazmin, izchil va konstruktiv tashqi siyosati – tinchlik va barqarorlikning muhim omili” mavzusida seminar tashkil etildi.Tadbirda Buxoro davlat universiteti prorektori O.M.Qodirov, O’zbekiston “Adolat” SDPning Oliy Majlis Qonunchilik palatasidagi fraksiyasi a’zosi Q.Jo’rayev, O’zbekiston “Adolat” SDP Buxoro viloyat Kengashi raisi M.Hamidov, Buxoro davlat universiteti Magistratura bo’limi boshlig’i O.S.Qahhorov hamda magistratura talabalari ishtirok etdilar.O’zbekiston “Adolat” SDPning Oliy Majlis Qonunchilik palatasidagi fraksiyasi a’zosi, deputat Q.Jo’raev mavzu mohiyati to’g’risida batafsil to’xtalib, dastlab mamlakat rahbari tomonidan joriy yilning 5 aprelida qabul qilingan “O’zbekiston Respublikasi Tashqi ishlar Vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yo’nalishlarini amalga oshirishda uning mas’uliyatini kuchaytirish chora-tadbirlari to’g’risida”gi farmoni mazmun-mohiyati haqida gapirib o’tdi. Shuningdek, O’zbekiston Respublikasi Prezidenti Sh.M.Mirziyoyevning Tashqi ishlar vazirligi va mamlakatimizning xorijiy davlatlardagi elchixonalari faoliyatiga bag’ishlangan yig’ilishdagi nutqidan kelib chiqqan holda O’zbekistonning tashqi siyosat sohasidagi faoliyatini kuchaytirish va samarasini oshirish g’oyat muhim vazifa qilib qo’yilayotganligi haqida ham ta’kidladi.Seminar davomida mamlakatimizning o’ziga xos konsturktiv tashqi siyosati tinchlik va barqarorlikning muhim omili ekanligi va bu borada ushbu tizimni tubdan takomillashtirish, muhim yo’nalishlarning isloh etilishida ko’maklashish masalalariga ham yig’ilish qatnashchilarining e’tibori qaratildi. Shuningdek, savdo-iqtisodiy va madaniy-gumanitar aloqalar sezilarli darajada kengaib borayotganligi, xalqaro tashkilotlar bilan amaliy hamkorlik va xorijdagi vatandoshlarimiz bilan muloqot o’rnatilganligi, dolzarb xalqaro va mintaqaviy muammolarning hal etib kelinayotganligi alohida qayd etildi. Buxoro davlat universitetining magistratura talabalari o’zlarini qiziqtirgan savollariga javob olib, o’z fikr-mulohazalarini bildirishdi.
