Mamlakatimizda amalga oshirilayotgan keng ko‘lamli islohotlarda yoshlarning faol ishtirokini ta‘minlash, yuksak ma‘naviyatli, mustaqil va erkin fikrlaydigan, zamonaviy ilm-fan yutuqlarini puxta o‘zlashtirgan har tomonlama sog‘lom va barkamol avlodni voyaga yetkazishga qaratilgan yoshlarga oid davlat siyosatini izchil amalga oshirish hamda O‘zbekistonning eng yangi tarixi davrida siyosat va huquq sohalaridagi o‘zgarishlar va erishilgan yutuqlar bo‘yicha tarix, siyosiy-huquqiy bilimlari darajasini aniqlash, nazariy bilimlarini hayotga tatbiq etish ko‘nikmalarini shakllantirish, ularga o‘z iqtidorlarini namoyish etish uchun imkoniyat yaratish hamda ularni rag‘batlantirish maqsadida oliy ta‘lim muassasalarida tahsil oluvchi talabalar o‘rtasida “Tafakkur sinovlari” respublika tanlovi o‘tkazilmoqda. Mazkur tanlovning saralash bosqichi joriy yilning 17 aprel kuni viloyatdagi oliy ta`lim muassasalari o‘rtasida o‘tkazildi.Tanlovda 4 ta jamoa ishtirok etdi. Jumladan, 1.TIQHMMI Buxoro filialining “Barkamol avlod” jamoasi;2.Buxoro davlat tibbiyot institutining “Taraqqiyot” jamoasi;3.Buxoro muxandislik-texnologiya institutining “Yosh islohotchi” jamoasi;4. Buxoro davlat universitetining “Kelajak yoshlari” jamoasi; Jamoalar 4 ta shart ("Yoshlar ovozi" "Tezkor savol-javob", "Muammo va yechim", "Sahnada tafakkur sinovi") bo‘yicha bellashdi. Tanlov davomida “Tanlov kashfiyoti”, “Eng faol talaba” va “Eng faol jamoa rahbari” nominatsiyalari bo‘yicha tanlov g‘oliblari tanlab olindi va Faxriy yorliq hamda esdalik sovg‘alar bilan taqdirlandi. Tanlov o‘n ballik tizimda baholanib, yuqori ball to‘plagan jamoa I, II va III-darajali diplomlar bilan taqdirlandi hamda g‘olib jamoa ikkinchi (saralash) bosqichida ishtirok etish uchun yo‘llanmani qo‘lga kiritdi.Tanlovda g‘oliblikni qo‘lga kiritgan jamoalar quyidagilar:I o‘rin:Buxoro davlat universitetining “Kelajak yoshlari” jamoasi -33,1– ball, II o‘rin: Buxoro davlat tibbiyot institutining “Taraqqiyot” jamoasi – 30,9– ballIII o‘rin:TIQHMMI Buxoro filialining “Barkamol avlod” jamoasi - 30,2 ball.
