2017 yil 22 oktyabr kuni Buxoro viloyat hokimligi, Buxoro shahar hokimligi va Buxoro davlat universiteti hamkorligida “Buxoro shahar kuni” festivali doirasida “Ko’hna va boqiy Buxoro” mavzusidagi Xalqaro ilmiy-amaliy konferensiya bo’lib o’tdi.O’zbekiston Respublikasi Prezidentining 2017 yil 19 maydagi PQ-2980-sonli “2017-2019 yillarda Buxoro viloyati va Buxoro shahrining turizm salohiyatini jadal rivojlantirish chora-tadbirlari to’g’risida”gi qarori ijrosini ta’minlash maqsadida o’tkazildi.Konfrensiyada Buxoro viloyat hokimi O’.I.Barnoyev, shahar hokimi K.J.Kamolov, BuxDU rektori A.A.Tulaganov, BuxDU professorlari Sh.A.Hayitov, X.To’rayev, S.I.Inoyatov, BuxTI professori Q.B.Shodmonov kabilar Buxoro tarixining qadimiyat obidalari, turizmni rivojlantirish va bunda hunarmandchilikning o’ziga xos o’rni, Buxoroning Sharq va G’arb sivilizasiyasiga qo’shgan hissasi, Buxoro ma’naviy taraqqiyotining jahonshumul shuhrati, Buxoro shashmaqomining ahamiyati kabi dolzarb mavzularda ma’ruza qildilar. Anjumannning sho’’ba yig’ilishlarida ham Buxoro arxeologiyasi, me’morchiligi, hunarmandchiligi, Buxoro musiqa madaniyati, Buxoro toponimikasi va geografiyasi masalalari muhokama etildi. Bu anjuman buxorolik yoshlarda va tashrif buyurgan mehmonlarda Buxoroning “Boqiy va navqiron Buxoro”, “Buxoroi Sharif”, “Tangri sayqal bergan shahar”, “Madinat-ut-tujjor”, “Ilmlar maskani”, “Rim tengdoshi”, “Sharqning Pariji” kabi o’nlab nomlar bilan atalishini anglab, iftixor tuyg’usiga ega bo’ldilar.
