Pekin pedagogika universiteti (Beijing Normal University) delegatsiyasi vakillari Buxoro davlat universitetiga tashrif buyurishdi (delegatsiya tarkibi: Dr. Liu Xuemin, Dr.Li Qiang, Dr. Eerdun Hasi, Dr.Zang Hongyan, Dr. Tulyaganov Otabek). Xitoylik delegatsiya a'zolarini Xalqaro hamkorlik bo'yicha prorektor A.Jo'rayev hamda departament boshlig'i M.Qilichovlar kutib olib universitet faoliyati haqida umumiy ma'lumotlar berib o'tdi. Tashrifdan ko'zlangan maqsadlar hamkorlik aloqalarni o'rnatish, xususan Pekin pedagogika universiteti hamda BuxDU professor-o'qituvchilari hamda talabalari almashinuvi dasturlarini tashkil etish, xorijlik talabalar qabulini jadallashtirish, qo'shma loyiha va grantlarda ishtirok etish, xitoy tili markazini tashkil etish kabi mavzular muhokama qilindi.
Ma'lumot uchun Pekin pedagogika universiteti xalqaro universitetlar reytingida QS-2024 da 272-o'rinda, THE-2024 da 177-o'rinda turadi.
