Oʻzbekiston — Qozogʻiston munosabatlari — izchil rivojlanmoqda. Qozogʻiston Oʻzbekistonning muhim savdo sheriklaridan biri boʻlib, Oʻzbekiston Respublikasi bilan Markaziy Osiyo davlatlari oʻrtasida ayirbosh qilinadigan mahsulotlarning yarmi uning hissasiga toʻgʻri keladi. Shunga qaramasdan, ikki davlat oʻrtasida savdo-iqtisodiy munosabatlarni yanada rivojlantirish uchun ishga solinmagan imkoniyatlar koʻpdir.
Bugun, Qozog'iston sport va turizm akademiyasi prezidenti Qayrat Zakiryanov boshchilidagi delegatsiya Buxoro davlat universiteti bilan hamkorlik o’rnatish maqsadida universitetga tashrif buyurdi. Qozog`istonlik mehmonlarni Buxoro davlat universiteti rektori Obidjon Xamidov, Sport faoliyati va pedagogika fakulteti dekani A.Inoyatov kutib olib, universitet talabalarining sport sohasida erishgan yutuqlari ko’rgazmasini namoyish qilishdi. Shuningdek, tashrif davomida BuxDU registrar ofisi, faollar yig`ingogi, sport zallari faoliyati yuzasidan delegatsiya ishtirokchilariga ma`lumotlar berib o`tildi.
Buxoro davlat universiteti rektori Obidjon Xamidov bilan o’tgan uchrashuvda Qozog'iston sport va turizm akademiyasi prezidenti Qayrat Zakiryanov ikki tomonlama hamkorlik aloqalarini o’rnatish va ularni rivojlantirishda muhim o’rin egallaydigan masalalarga yuzlandi. Uchrashuvda o‘zaro manfaatli yo‘nalishlar bo‘yicha ilmiy stajirovkalarni amalga oshirish, professor-o‘qituvchilarning malakasini oshirish; sportchi talaba-yoshlarni yangi sport texnologiyalardan foydalangan holda tayyorlash kabi masalalarda hamkorlik o’rnatildi.
Uchrashuv so’ngida Buxoro davlat universiteti hamda Qozog'iston sport va turizm akademiyasi o’rtasida hamkorlik memorandumi imzolandi.
BuxDU Matbuot xizmati
