O'z shukuhi va betakrorligi bilan dunyoning turli makonlarida katta bayram sifatida nishonlanadigan Yangi yil ayyomi BuxDU jamoasini ham bir nuqtaga jamladi.
Yangi yilimiz yaxshi yil bo'lsin, deya xayrli niyatlar qilgan jamoa uchun kelajak Yangi yilni yuqori kayfiyatda kutib olishlari maqsadida bayram tantanasi bo'lib o'tdi.
Tantana avvalida BuxDU rektori Obidjon Xamidov oxirlayotgan 2023-yilda amalga oshirilgan ishlar, yutuqlar, erishilgan zafarlar xususida gapirib, birdam va hamjihat jamoani kelayotgan bayram bilan tabrikladi.
O'ziga xos sarhisob bayrami bo'lgan ushbu shodiyonada BuxDUning tinib-tinchimas talaba-yoshlari, professor-o'qituvchilari tomonidan ijro etilgan kuy va qo'shiqlar davraga fayz bergan bo'lsa, qorbobo-yu qorqizning tashrifi har bir mehmonga quvonch ulashdi.
Barchani raqsga tushishga undaydigan sho'x-shodon qo'shiqlar hamohangligida bayram tadbiri ko'tarinki kayfiyatda davom etdi.
