Marosimni Ilmiy ishlar va innovatsiyalar bo'yicha prorektor, professor To`lqin Rasulov Respublika miqyosida o`tkazilayotgan haftalik mohiyati, BuxDUdagi innovatsion g`oyalar va yosh startap egalari, intiluvchan talaba-yoshlarning ilmiy izlanishlari xususida so`zlab, ochib berdi.
Ochilish marosimida so`zga chiqqan Buxoro viloyati Oliy ta’lim, fan va innovatsiyalar boshqarmasi boshlig'i Azamat Naimov viloyatda bu borada olib borilayotgan ishlar va unda BuxDU talaba-yoshlarining hissasi xususida alohida to`xtaldi. Universitet olimlarining innovatsion g'oya va ishlanmalari ko'rgazmasidagi g`oyalar va ishlanmalarni o`rganib, ularni qo`llab-quvvatlashga tayyorligini bildirdi.
Shuningdek, innovatsion g`oyalar haftaligi davomida B2B uchrashuvlar, “InnoWeek.uz–2023” xalqaro innovatsion g‘oyalar haftaligiga bagʻishlangan matbuot anjumani, “Ideaton-Uzbekistan 2030” tanlovi ishtirokchilarini hamda ko’rgazma qatnashchilarini taqdirlash, Shartnoma va memorandumlar imzolash marosimlari o’tkazildi.
Tadbirda barcha fakultet va kafedralarning ilmiy ishlanmalari namoyish etildi. Tadbirda Buxoro viloyati hokimligi vakillari, OAV vakillari va blogerlar, professor-o‘qituvchilar va talabalar ishtirok etishdi.
Ochilish marosimi, OAV vakillari ishtirokidagi matbuot anjumani, “Ideaton-Uzbekistan 2030” tanlovi jarayoni, taqdirlash marosimi Youtube va Facebook’da onlayn translyatsiya qilindi.
