Ingliz tilshunosligi kafedrasining bir guruh professor-oʻqituvchilari Istanbul Universitetining Til Markazida boʻlishdi. Markaz direktori Prof Dr. Mehmet Yalchin Yilmaz bilan boʻlib oʻtgan uchrashuvda Ingliz tilshunosligi kafedrasi hamda Til Markazi oʻrtasida oʻzaro hamkorlik istiqbollari muhokama qilindi. Jumladan, universitetlar oʻrtasida oʻzaro professor oʻqituvchilar almashinuvi, Buxoro davlat universitetida turk tilini oʻqitish, Istanbul universitetida oʻzbek tili darslarini tashkil etishni yoʻlga qoʻyish, bu borada metodik qoʻllab quvvatlash, kurslarni tugatgan talabalar bilimini sinovdan oʻtkazishda xalqaro standartlarga mos keluvchi sertifikatlar taqdim etishda amaliy koʻmaklashishga kelishib olindi.
Oʻzaro samimiy ruhda kechgan uchrashuv doirasida hamkorlikda xalqaro konferensiyalar o'tkazish rejalashtirildi.
