Buxoro davlat universiteti va Rossiya Federatsiyaning Qozon shahridagi Volga davlat jismoniy tarbiya, sport va turizm universiteti o'rtasida do'stona munosabatlarni rivojlantirish va ikki tomonlama akademik aloqalarni qo'llab-quvvatlash, ilmiy-texnik tadqiqotlar va qo'shma ta'lim dasturlarini ishlab chiqish, ta'lim xizmatlarini sifatini oshirish, milliy va xalqaro loyihalarda ishtirok etish, tomonlarning o'zaro manfaatli sohalarida axborot almashish kabi bir qator maqsadlarni ko'zlagan hamkorlik memorandumi imzolandi.
Zoom platformasi orqali BuxDU hamda Volga davlat jismoniy tarbiya, sport va turizm universiteti o'rtasida uchrashuv bo'lib o'tdi. Unda BuxDU rektori Obidjon Xamidov, Xalqaro hamkorlik bo'yicha prorektor Abror Jo'rayev, Jismoniy madaniyat fakulteti dekani Bahodir Ma'murov, turizm va mehmonxona xo'jaligi kafedrasi mudiri Nutfillo Ibragimov hamda PGU rektori Rafis Burganov, Ilmiy ishlar va xalqaro aloqalar bo‘yicha prorektor Andrey Nazarenko, Sport instituti direktori Robert Bikmuxametov, Xalqaro mehmonxona boshqaruvi va turizm instituti direktori Xadiullina Reseda, Xalqaro hamkorlik bo‘limi boshlig‘i Guzel Garayevalar ishtirok etishdi.
