O‘zbekiston Respublikasi Intellektual mulk agentligi tomonidan “Elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi” to‘g‘risidagi DGU 04221 raqamli “Raven testi asosida shaxs intellektini monitoring qilish tizimi” nomli mualliflik guvohnomasini Fizika-matematika fakulteti 4-kurs talabasi M.Q. Raxmonqulov, Psixologiya kafedrasi o‘qituvchilari J.R. Amanov, D.A. Sobirova, Psixologiya kafedrasi 2-bosqich katta ilmiy xodim-izlanuvchisi D.SH. Barotovalar hammualliflikda qo‘lga kiritdi. Dasturta’lim tizimi, IIB, mahalla va turli tashkilotlarda shaxslarning intellektini aniqlash imkonini beradi. Dasturni qo‘llash orqali kadrlarni u yoki bu kasbga layoqatini aniqlash mumkin. O‘quvchilar, talabalar va turli toifadagi shaxslarning intellektual qobiliyatlariga baho berish orqali o‘rganilgan shaxslar haqida tegishli xulosalarni shakllantirish mumkin.Buxoro davlat universiteti jamoasi yuqorida nomlari keltirilgan mualliflarni mualliflik guvohnomasini qo‘lga kiritganligi bilan samimiy muborakbod etadi.
