Mamlakatimiz oʻzining toʻrt faslli betakror tabiati, yer osti va usti nodir boyliklari bilan yetti iqlimga maʼlum-u mashhur boʻlib kelgan boʻlsa, endilikda uning yangi noyob xususiyatlari — oftobli osmoni, shamolli kengliklari, tezoqar daryolari, biologik manbalari ham shuhratini yanada oshirishga xizmat qilmoqda. Qayta tiklanuvchi manbalardan energiya ishlab chiqarishning 97 foizi quyosh energiyasi ulushiga toʻgʻri keladi.
Shu ma`noda BuxDUda muqobil energiya manbalaridan — quyosh energiyasidan samarali foydalanish borasida izchil ishlar amalga oshirilmoqda. Universitetning bosh binosiga o`rnatish uchun 729 799 200 so`m miqdorida 70 kvt quvvatga ega hamda 1 404 000 000 so`m miqdorida 135 kvt quvvatga ega tarmoq quyosh elektr stansiyasi keltirildi.
Ma'lumot o`rnida aytish joizki, bugungi kunga qadar bosh bino va axborot resurs markazini elektr ta’minotini yaxshilash uchun 100 kVtlik quyosh fotoelektrik stansiyasi o`rnatilgan. Bu quyosh fotoelektrik stansiyasi bosh bino tomida joylashgan bo‘lib, 473 m2 maydonni egallagan bo‘lib, janubiy sharqqa yo‘naltirilgan hamda gorizontga nisbatan 300 burchakkaga o‘rnatilgan. Quyosh panellari monokristal bo‘lib har biri 2,6 m2 soni 182 ta umumiy quvvati 100 kVt 2 ta 50 kVtli inventor avtomatik kontrolleri bilan ishlab turibdi. Quyosh panellari monokristall bo‘lib foydali ish koeffisiyenti 21,4 % ni tashkil qiladi, xizmat muddati 25 yil kafolatli ishlash muddati 10 yil ishlash sharoiti -40 0S- +850S maksimal 40,2 v gacha kuchlanish beradi, normal ishlash harorati +45 0S maksimal tok kuchi 13 A og‘irligi 28,4 kg o‘lchamlari 2279x1134x35 mm bo`lib, Xitoyda ishlab chiqarilgan Si kremniy asosidagi monokristal panel bo‘lib hisoblanadi. Quyosh fotoelektrik stansiyasi yorug‘ quyoshli kunlarda maksimal 100 kVt/soat energiya ishlab chiqarmoqda.
