Buxoro viloyat Ichki ishlar boshqarmasi va Buxoro davlat universiteti o‘rtasida 2023-yil 13-iyun kuni imzolangan hamkorlik memorandumda belgilangan vazifalarni amalga oshirish maqsadida joriy yilning15-iyun kuni ishchi guruh a’zolari Romitan tumanidagi muqaddam sudlangan, profilaktik hamda probasiya hisoblarida turgan xotin-qizlar, yoshlar va voyaga yetmaganlarga huquqiy, ijtimoiy-psixologik yordam ko‘rsatish maqsadida tashrif amalga oshirildi.
Romitan tumanidagi voyaga yetmaganlar va yoshlar, shuningdek, ayollar o‘rtasida sodir etilayotgan jinoyatlarning sodir etilish sabab-oqibatlarini ilmiy-amaliy tadqiq etish, jinoyatlarni keltirib chiqaruvchi omillar sosial-psixologik jihatdan o‘rganildi. Shuningdek, voyaga yetmaganlar, xotin-qizlar bilan uchrashuv tashkil qilinib, psixolog mutaxassislar tomonidan har bir toifadagi shaxs bilan individual suhbatlar olib borildi, ular tomonidan sodir etilgan jinoyatlar va ularning sabab-oqibatlari tahlil qilindi. Har bir shaxsga malakali mutaxassislar tomonidan ijtimoiy-psixologik xizmatlar ko‘rsatildi.