26-iyun “Xalqaro giyohvandlikka qarshi kurash kuni” munosabati bilan Buxoro davlat universitetida yoshlar uchun qator tadbirlar bo’lib o’tdi.
Bugun “Xalqaro giyohvandlikka qarshi kurash kuni” munosabati bilan Buxoro IIB narkomaniyaga qarshi kurashish bо‘limi, universitet profilaktika inspektori, Buxoro shahar tibbiyot birlashmasi, Respublika ixtisoslashtirilgan ilmiy-amaliy tibbiyot markazi Buxoro filiali tibbiy reabilitatsiya bо‘limi bilan ushbu mavzuda davra suhbati bo’lib o’tdi.
Yoshlarning giyohvandlikka qarshi ongni shakllantirish, jamiyatda yoshlarning umr yo’li uchun tuzoq bo’layotgan qator giyohvandlik savdosiga chorlovlar, yigit-qizlarni bu zahri qotilni iste’molchisiga aylantirishga urinishlar haqida batafsil ma’lumot berish maqsadida bo’lib o’tgan suhbat mavzuga oid slaydlar bilan yoshlar uchun taqdim etildi.
tadbir davomida “Yoshlar giyohvandlikka qarshi” shiori ostida Talaba-yoshlar o‘rtasida o’tkazilgan “Eng yaxshi chizilgan rasm” tanlovi g’oliblari sovg’alari o’z egalariga topshirildi.