Korrupsion holatlarning oldini olish yuzasidan BuxDUdagi barcha fakultetlarda birma-bir yig`ilishlar o`tkazildi. Xususan, Tabiiy fanlar fakultetida talabalar o’rtasida korrupsion holatlarning oldini olish to’g’risida Buxoro davlat universiteti Korrupsiyaga qarshi kurash, komplayens nazorat bo'limi boshlig'i Y.K.Quliyev ishtirokida davra suhbari bo`lib o`tdi. Unda korrupsiya atalmish illatning jamiyat rivojlanishiga nechog'lik to'sqinlik qilishi va unga qarshi birgalikda kurashish haqida aytib o'tildi.
"Korrupsiyaga qarshi ichki nazorat tizimini joriy etishning ustuvor vazifalarini o'z vaqtida, to'liq va sifatli amalga oshirish to'g'risida"gi buyrug'i va uning ilovasi bilan tanishtirildi. Shuningdek, Oliy ta'lim tizimida korrupsiyaning ko'rinishlari, oqibatlari, talabalarning sifatli ta'lim olishi, kelajaki uchun maqsad qo'yib, bu maqsadga erishish uchun harakat qilishi kerakligi aytildi.
Xorijiy tillar fakultetida o`tgan davra-suhbatida korrupsiyaga qarshi kurash, komplayens nazorat bo'limi boshlig'i Y.K.Quliyev tomonidan talabalarni korrupsiyasiz ta’limga da’vat etish va har xil noxush holatlarning oldini olishdan iboratligi, barcha talabalarga nazoratlar paytida turli xil korrupsion holatlarga yo’l qo’yilmasligi oldindan ogohlantirib o’tildi. Korrupsion huquqbuzarlik sodir etilishiga sababchi bo'lib qolmaslik, bunday holatlarda barcha bir xil javobgarligi tushuntirildi. Iqtisodiyot va turizm fakultetida Logistika va agrobiznes kafedrasi katta o'qituvchisi F.K.Saidova, Buxoro tarixi kafedrasi katta o'qituvchisi B.B. Boltayev va tyutor Dilfuza Mirovalar ishtirokida 3-2IQT-20, 3-3IQT-20 guruhi talabalari bilan "Korrupsiyaga qarshi kurashish" mavzusida tadbir tashkil qilindi.
Tadbirda talabalarga mavzuga oid videorolik namoyish etildi.
Suhbat davomida korrupsiyaning salbiy oqibatlari, talaba-yoshlar bilim darajasi, Oliy ta'limda korrupsiya ko'rinishlari, korrupsiyaga qarshi kurashish yo'llari to'g'risida fikrlar almashildi.
Korrupsiyaning oldini olish yuzasidagi yig`ilishlar kafedralarda ham tizimli yo`lga qo`yildi. Xususan, Pedagogik ta'lim fakulteti "Pedagogika" kafedrasi professor-o‘qituvchilari ishtirokida "Korrupsiyasiz ta'lim - kelajak poydevori" mavzusida davra suhbati o'tkazildi. Unda korrupsiyaning asl mohiyati, ko‘rinishlari, turlari, oliy ta’lim sohasidagi korrupsion holatlarning ko‘rinishlari haqida bayon qilindi.
Suhbatni Korrupsiyaga qarshi kurashish "Komplaens-nazorat" tizimini boshqarish bo'limi boshlig'i kirish so‘zi bilan ochib berdi. Korrupsiyaga qarshi kurashishning huquqiy normalari, davlat xodimlari korrupsion holatlarga yo‘l qo‘ygan taqdirda unga nisbatan qo‘llanadigan jazo choralarining huquqiy asoslari, xususan, O‘zbekiston Respublikasi Jinoyat kodeksining 210, 211 va 212-moddalari yangi tahririning bayoni tafsilotlari tushuntirildi. Mazkur Qonunga muvofiq Jinoyat kodeksining 211-moddasida nazarda tutilgan jazo choralari birmuncha kuchaytirildi va 210-moddaning sanksiyasi bilan tenglashtirildi.
Aytish joizki, poraxo‘rlik va pora olish-berishda vositachilik qilish jamiyat uchun ijtimoiy xavfi yuqori va og‘ir oqibatlarga olib keluvchi jinoyatlar toifasiga kiradi. Ushbu jinoyatlar jamiyatning ma’naviy-axloqiy negiziga putur yetkazibgina qolmay, yangi jinoiy qilmishlar sodir etilishiga ham yo‘l ochib berishi mumkin. Shu bois, pora berganlik va pora olish-berishda vositachilik qilganlik uchun jinoiy jazolarning kuchaytirilgani salbiy holatlarning oldini olishga xizmat qilishi bilan ahamiyatlidir. Pedagogik ta’lim fakulteti Boshlang'ich ta’lim nazariyasi kafedrasining navbatdan tashqari “Korrupsiyaga qarshimiz!” mavzusida o`tkazilgan majlisida korrupsiyaga qarshi kurashish samaradorligini tubdan oshirish bo‘yicha belgilangan vazifalar korrupsiya holatlarining sabab va shart-sharoitlarini aniqlash, ularni bartaraf etishning ta’sirchan tizimini yaratishni taqozo etmoqda. Suhbat davomida korrupsiyaning oldini olish va unga qarshi kurashish sohasidagi davlat siyosatini, shuningdek, korrupsiyaga oid huquqbuzarliklarning tizimli sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan davlat va boshqa dasturlarni shakllantirish va amalga oshirish lozimligi ta’kidlandi. Xorijiy tillаr fаkulteti nemis filologiyasi kаfedrаsida o`tkazilgan yig`ilishda Korrupsiya mamlakat taraqqiyotini ortga surib, kelajakni xavf ostida qoldirishi ta’kidlandi. Ayniqsa, ta’lim sohasidagi korrupsion holatlar bugungi kunda yetuk mutaxassislar, jahon andozasi darajasidagi kadrlar tayyorlashni asosiy maqsad qilib olgan mamlakatimiz oldida turgan dolzarb masalalardan biridir. Dunyoda rivojlanish va taraqqiyot yo‘lini tanlagan har bir davlat eng avvalo korrupsiya, ta’magirlik, poraxo‘rlik kabi salbiy illatlarga qarshi murosasiz kurash olib boradi. Aks holda, bunday jirkanch illatlarning tomir otishiga yo‘l berilsa, o‘sha joyda taraqqiyot va rivojlanish boy berilishi ta’kidlanildi.
Fizika-matematika fakulteti Fizika kafedrasi professor-o’qituvchilari ishtirokida "Korrupsiyaga qarshi kurash" mavzusida o’tkazilgan yig’ilishni Fizika kafedrasi mudiri Sh.Sh.Fayziyev ochib berdi. Yig’ilishda kafedra mudiri Sh.Sh.Fayziyev quyidagi fikrlarni bildirib o’tdilar. Korrupsiya jamiyat hayoti uchun tahdid soluvchi salbiy omil ekanligi, shu sababli, davlatimiz tomonidan korrupsiyaga qarshi kurashish va uning oldini olishga jiddiy choralar koʻrilayotgani aytildi.
Iqtisodiyot va turizm fakulteti “Marketing va menejment” kafedrasi professor-oʻqituvchilari ishtirokida esa ish faoliyati davomida korrupsion, nepotizm va favoritizmga yoʻl qoʻymaslik masalalari muhokama qilindi.
Tabiiy fanlar fakulteti “Ekologiya va geografiya” kafedrasi professor- o‘qituvchilari tomonidan “Korrupsiyaga qarshi kurash muammolari (manfaatlar to‘qnashuvi, nepotizm, favoritizm)” mavzusidagi davra suhbati kafedra mudiri Y.D.Xolovning kirish so’zi bilan boshlandi. “Korrupsiya” (lotincha: “corruptio” — aynish, poraga sotilish) — mansabdor shaxsning oʻz mansabi boʻyicha berilgan huquqlarni shaxsiy manfatlari yo‘lida bevosita suiisteʼmol qilishidan iborat amaliyot ekanligi, Korrupsiyaga qarshi kurashish – Vatan taraqqiyotining kafolati ekanligi aytildi.
Buxoro davlat universiteti Jismoniy madaniyat fakulteti Sport faoliyati kafedrasi professor-o’qituvchilari ishtirokida o`tkazilgan “Korrupsiyaga qarshi kurash" mavzusidagi yig’ilishda Sport faoliyati kafedrasi mudiri A.Sattorov korrupsiyaga qarshi kurashish sohasidagi davlat dasturlarining va boshqa dasturlarning ishlab chiqilishi hamda amalga oshirilishini tashkil etish, korrupsiyaga qarshi kurashish bo‘yicha faoliyatni amalga oshiruvchi va unda ishtirok etuvchi organlar hamda tashkilotlarning faoliyatini muvofiqlashtirish va hamkorligini ta’minlash, aholining huquqiy ongi va huquqiy madaniyatini yuksaltirishga, jamiyatda korrupsiyaga nisbatan murosasiz munosabatni shakllantirishga doir chora-tadbirlarning ishlab chiqilishi hamda amalga oshirilishini tashkil etish, korrupsiyaga oid huquqbuzarliklarning oldini olishga, ularni aniqlashga, ularga chek qo‘yishga, ularning oqibatlarini, shuningdek ularga imkon beruvchi sabablar va shart-sharoitlarni bartaraf etishga doir chora-tadbirlar samaradorligi oshirilishini ta’minlash hamda korrupsiyaning holati va tendensiyalari to‘g‘risidagi axborotni yig‘ish hamda tahlil etish xususida to`xtaldi.
