XIV "Rossiya — Islom dunyosi: Kazanforum" xalqaro iqtisodiy forumida Buxoro davlat universiteti rektori Obidjon Xamidov “O 'zbekiston Respublikasining fan va ta' lim sohasidagi xalqaro hamkorligi” mavzusida taqdimot qildi.
O’z taqdimotida Obidjon Xamidov O’zbekiston oliy ta`lim sohasida amalga oshirilayotgan yangiliklar, ta`lim tizimini takomillashtirish uchun xizmat qilayotgan xorijiy texnologiyalar xususida gapirib o’tdi. Shuningdek, BuxDUda 100 dan ortiq xorijiy universitetlar, shu jumladan AQSh, Germaniya, Rossiya, Belorusiya, Gollandiya, Isroil, Italiya, Finlyandiya, Frantsiya, Chexiya, Xitoy, Hindiston, Koreya Respublikasi va boshqalar bilan hamkorlikda qo'shma ta'lim dasturlari yaratildi. So'nggi 5-6 yil ichida universitet professor-o'qituvchilarining asosiy ish haqi o'rtacha 4 baravar oshdi. Hozirgi vaqtda respublikaning 37 ta oliy o'quv yurti, shu jumladan Buxoro davlat universiteti akademik va moliyaviy mustaqillikka ega. Ushbu universitetlar moliyaviy barqarorlikni ta'minlash, moddiy-texnik bazani mustahkamlash va to'lov-kontrakt asosida qabul parametrlarini tasdiqlash bo'yicha o'z siyosatini mustaqil ravishda belgilashi mumkin. Shuningdek, ular mustaqil ravishda o'quv rejalari va dasturlarini ishlab chiqadilar va tasdiqlaydilar.
Buxoro davlat universiteti Matbuot xizmati
