XIV "Rossiya — Islom dunyosi: Kazanforum" xalqaro iqtisodiy forumi doirasida Buxoro davlat universiteti hamda Tatarstonning Innopolis universiteti o‘rtasida hamkorlik shartnomasi imzolandi. Shartnoma imzolash marosimida BuxDU rektori, iqtisodiyot fanlari doktori, professor Obidjon Xamidov hamda Innopolis universiteti direktori Kirill Seminixin qatnashdi. Ushbu hamkorlik shartnomasi asosida endilikda ta'lim sohasida qo'shma ta'lim dasturlari va ilmiy dasturlarni ishlab chiqish va amalga oshirish, qo'shma ilmiy tadqiqotlar o 'tkazish, ta' lim sohasida fundamental va amaliy ilmiy tadqiqotlarni amalga oshirish, innovatsion faoliyatni birgalikda amalga oshirish ishlari boshlanadi.
Innopolis universiteti-Innopolis shahridagi axborot texnologiyalari va robototexnika sohasida ta'lim, tadqiqot va ishlanmalarga ixtisoslashgan Rossiya avtonom notijorat oliy ta'lim tashkiloti.
Innopolis universitetida yuqori texnologiyalar sohasida ishlab chiquvchilar, menejerlar o'qitiladi va axborot texnologiyalari va robototexnika sohalarida ilmiy tadqiqotlar olib boriladi.
Buxoro davlat universiteti Matbuot xizmati
