2017- yil 29-may kuni Buxoro davlat universiteti kichik majlislar zalida O'zbekiston Respublikasi Markaziy banki va O'zbekiston Respublikasi Oliy va o'rta maxsus ta'lim vazirligining “2017-2021 yillarda O'zbekiston Respublikasini rivojlantirishning beshta ustivor yo'nalishi bo'yicha Harakatlar strategiyasini “Xalq bilan muloqot va inson manfaatlari yili”da amalga oshirishga oid davlat dasturining 197-bandi ijrosini ta'minlash to'g'risida” gi qo'shma qarori ijrosini ta'minlash maqsadida o'z tadbirkorlik faoliyatini boshlash istagida bo'lgan bitiruvchilar hamda Markaziy bank Buxoro viloyati bosh boshqarmasi, tijorat banklari, savdo-sanoat palatasi Buxoro viloyat bo'limining yetakchi mutaxassislari bilan "O'z biznesingizni yarating" mavzusida o'tkazilgan seminar trening yig'ilishi bo'lib o'tdi.Tadbirni Buxoro davlat universiteti rektori professor A.A.Tulaganov ochib berib, tadbirga taklif etilgan soha mutaxassislariga o'z minnatdorchiligini bildirdi. Shuningdek, mamlakatimizni kelgusi besh yilda yanada rivojlantirish bo'yicha Harakatlar strategiyasida oliy ta'lim sohasini taraqqiy ettirish, ta'lim va fan sohalarini rivojlantirish, yoshlarga oid davlat siyosatini takomillashtirish borasida va 2017 yilda aholi bandligini ta'minlash dasturi to'g'risida amalga oshirilayotgan kompleks chora-tadbirlar to'g'risida alohida ta'kidlab o'tdi.“Turizm” fakulteti dekani A.Jo'rayev tadbir ishtirokchilariga o'zining samimiy niyatlarini bildirib, O'zbekiston Respublikasi Markaziy banki va O'zbekiston Respublikasi Oliy va o'rta maxsus ta'lim vazirligining “2017-2021 yillarda O'zbekiston Respublikasini rivojlantirishning beshta ustivor yo'nalishi bo'yicha Harakatlar strategiyasini “Xalq bilan muloqot va inson manfaatlari yili”da amalga oshirishga oid davlat dasturining 197-bandi ijrosini ta'minlash to'g'risida” gi qo'shma qarori ijrosi bo'yicha bugungi kunda fakultet va kafedralarda olib borilayotgan amaliy ishlar to'g'risida to'xtalib o'tdi. Tadbir davomida taklif etilgan soha mutaxassislari tomonidan tadbirkorlik sub'ekti sifatida davlat ro'yxatidan o'tish tartiblari, biznesni tashkil etish, shuningdek, markaziy bank va tijorat banklari vakillari tomonidan oliy ta'lim muassasalari bitiruvchilari uchun imtiyozli kreditlarning ajratilishi, mikrokreditlarni rasmiylashtirilish tartiblari, tijorat banklari tomonidan kreditlar ajratilishida qo'yiladigan asosiy talablar, kredit muddatlari va foizlari, imtyozlar va yengilliklar xususida, qolaversa, O'zbekiston Respublikasi Adliya vazirligidan 2012 yil 20 mart kuni 2344-son bilan “Tijorat banklari tomonidan shaxsiy yordamchi xo'jaliklarga qishloq xo'jaligi mahsulotlarini yetishtirish uchun mikrokreditlar berish tartibi to'g'risida” gi nizomga muvofiq kreditlarning ajratilishi to'g'risida atroflicha ma'lumot berildi. Mazkur nizomning to'liq mohiyati yoritilib, tijorat banklari tomonidan shaxsiy yordamchi xo'jaliklarga qishloq xo'jaligi mahsulotlari yetishtirish, chorvachilik, yilqichilik, tuyachilik baliqchilik, parrandachilik va asalarichilikni rivojlantirish, quyon boqish va yetishtirish, issiqxonalar tashkil etish, shuningdek urug' va ko'chatlar sotib olish uchun beriladigan mikrokreditlar bo'yicha Buxoro viloyatida ixtisoslashgan tijorat banklari to'g'risida ham tushuntirishlar berib o'tildi.Shuningdek, bank vakillari tomonidan O'zbekiston Respublikasi Prezidentining 2017 yil 17 martdagi “Tadbirkorlik sub'ektlari va keng aholi qatlamiga mikrokreditlar ajratish tizimini yanada soddalashtirish chora-tadbirlari to'g'risida” PQ-2844-sonli qarori to'g'risida ma'lumotlar berildi.Ushbu qaror tadbirkorlik sub'ektlari va barcha aholi qatlamining imtiyozli mikrokreditlardan keng foydalanishini ta'minlash, shuningdek, yakka tartibdagi mehnat faoliyatini rag'batlantirish orqali aholi bandligini yanada oshirish maqsadida qabul qilinganligi alohida ta'kidlab o'tildi.Tadbir qizg'in savol-javob ruhida o'tib, o'z biznesini boshlash istagida bo'lgan bitiruvchilar tomonidan biznes loyihalarni (rejalarni) tayyorlash, kredit mablag'ini olishda ta'minot masalasi, maxsulotlarni realizatsiya qilish, biznes bo'yicha hamkorlarni topish, mini-texnologiyalarni sotib olish bo'yicha o'zlarini qiziqtirgan savollariga atroflicha javob oldilar. Tadbirni Buxoro davlat universiteti marketing bo'limi boshlig'i B.Adizov olib bordi. Tadbir yakunida O'zbekiston Respublikasi Vazirlar Mahkamasining 2017 yil 6 maydagi Kasb-hunar kollejlari va oliy ta'lim muassasalari bitiruvchilarini ishga joylashtirish va o'z bizneslarini ochishga ko'maklashish maqsadida haftalik “start-ap” loyihalari (“start-ap” haftaliklari) tadbirlarini o'tkazish chora-tadbirlari hamda bu borada dolzarb masalalar va vazifalarga bag'ishlangan yig'ilishning 15-son bayoni va O'zbekiston Respublikasi Oliy va o'rta maxsus ta'lim vazirligining 2017 yil 15 maydagi “O'zbekiston Respublikasi Vazirlar Mahkamasining 2017 yil 6 maydagi yig'ilishining 15-son bayonida belgilangan vazifalar ijrosi to'g'risida”gi 304-sonli buyruqlari haqida atroflicha ma'lumot berdi. Buxoro viloyatida “Start-ap” loyihalari tadbirlarini o'tkazish Reja-jadvaliga muvofiq (joriy yilning 5-9 iyun kunlari) bitiruvchilar taqdimotlarini namoyish qilgunlariga qadar ishchi guruh tomonidan kredit mablag'larini olish istagini bildirgan bitiruvchilar biznes loyiha (reja)laridagi xato va kamchiliklarini bartaraf etishda yaqindan yordam berish, tegishli ko'rsatma va tavsiyalar berish bo'yicha soha mutaxassislari va “Turizm” fakulteti, “Iqtisod” kafedralarining yetakchi professor-o'qituvchilari biriktirilganligi haqida ma'lumot berildi.Taklif etilgan soha mutaxassislariga minnatdorchiligini bildirib, bunday samarali tadbarlarni tez-tez uyushtirish bo'yicha kelishib olindi.
