O’zbekiston Respublikasining 2016 yil 14 sentyabrda qabul qilingan “Yoshlarga oid davlat siyosati to’g’risida”gi qonunida belgilangan vazifalar ijrosini ta’minlash, shuningdek, oliy ta’lim muassasalarida tahsil olayotgan talabalarni mamlakatimizda amalga oshirilayotgan keng ko’lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta o’zlashtirgan har tomondan sog’lom va barkamol avlodni voyaga etkazish hamda ularni teatr san’atiga muhabbat ruhida tarbiyalash maqsadida tashkil etilgan Talabalar teatr studiyalari respublika festivalining saralash bosqichi (saralash bosqichida BuxDU, BuxMTI, BuxTI, TIMI Buxoro filiali shakllantirilgan jamoalar ishtirok etdi) joriy yilning 1 may kuni soat 14-00 da Buxoro viloyat musiqali drama teatrida o’tkazildi. Ko’rik-tanlovda ishtirok etayotgan BuxDTIning “Avisenna” jamoasi “Kuzning birinchi kuni” - O’lmas Umarbekovning drammasi asosida, BuxMTIning “Istiqlol yulduzlari” – Abror Ahmadjonovning “So’ngi pushaymon” asari asosida sahna ko’rinishi, badiiy rahbar Zebo Hasanova, BuxDUning “Fitrat” jamoasi Pirimqul Qodirovning “Yulduzli tunlar” asari asosida sahna ko’rinishi, TIMI Buxoro filialining “Nihol” jamoasi “Nosvoy” – A.Hasanov ssenariysi asosida sahna ko’rinishlarini namoyish etdilar. Hakamlar hay’ati viloyatdagi OTM jamoalarining chiqishlarini adolatli baholadi va unda Buxoro davlat universitetining “Fitrat” jamoasi “Milliy an’ana va qadriyatlarni tarannum etganligi” hamda “Eng yaxshi ayol roli uchun” jamoa a’zosi Gullola Olimova (Filologiya fakulteti talabasi) DIPLOMlar bilan taqdirlandilar.
