Bugun universitet yosh olimlari hamda talabalari uchun universitet va Buxoro viloyati Innovatsion rivojlanish hududiy boshqarmasi vakillari hamkorligida “Ilmiy-tadqiqot, innovatsion va startap loyihalarni shakllantirish hamda davlat grantlarini qo‘lga kiritish” mavzusida maslahat ushrashuvi tashkillashtirildi.
Maslahat uchrashuvida universitet Ilmiy ishlar va innovatsiyalar bo‘yicha prorektori T.H. Rasulov, Yoshlar masalalari va ma’naviy-ma’rifiy ishlar bo‘yicha Birinchi prorektor A.A. Amonov, Buxoro viloyati Innovatsion rivojlanish hududiy boshqarmasining boshlig‘i A.X. Naimov, Innovatsion loyihalar va tijoratlashtirish masalalari bo‘yicha bosh mutaxassisi O.Sh. Axmedov, Ilmiy faoliyat bo‘yicha bosh mutaxassisi A.Q. Xasanov, universitet ilmiy-innovatsion ishlanmalarni tijoratlashtirish bo‘limi boshlig‘i O.O. Sayfulloyev hamda universitetning yosh olimlari va talabalari ishtirok etishdi.
Maslahat uchrashuvida mutaxassislar tomonidan Ilmiy-tadqiqot, innovatsion va startap loyihalarni shakllantirish hamda turli tanlovlarga taqdim etish tartibi to‘g‘risida yig‘ilganlarga to‘liq ma’lumot berildi. Ishtirokchilar o‘zlarini qiziqtirgan savollarga javob olishdi. Uchrashuv so‘ngida bu kabi uchrashuvlarni doimiy tashkil etish takliflariga binoan haftaning juma kunini “Startaplar kuni” sifatida belgilash hamda shu kuni doimiy ushrashuvlarni o‘tkazishga kelishib olindi.
