Buxoro davlat universitetiga O'zbekiston Respublikasi Bosh Vaziri o'rinbosari Zulayho Bahriddinovna Mahkamova tashrif buyurdi.Tashrif davomida Zulayho Mahkamova talabalarning ijodiy ishlari ko'rgazmasi bilan tanishdi.
Tashrif chog'ida universitet faollar zalida ixtirochi, olima ayollar va viloyatda mavjud oliy ta'lim muassasalarida tahsil olayotgan ijtimoiy ehtiyojmand oila vakillari, yetim yoki ota-onasining qaramog‘idan mahrum bo‘lgan talaba-qizlar bilan muloqot o‘tkazdi va O'zbekiston Respublikasi Vazirlar Mahkamasining 2021-yil 18-sentabrdagi 585-son qaroriga muvofiq talaba xotin qizlarning oliy ta'lim olishini moddiy jihatdan qo'llab-quvvatlash uchun Tavsiyanomalar taqdim etildi.
