Bugun Qishloq xo‘jaligi masalalari bo‘yicha Buxoro viloyat hokini o‘rinbosari A.I. Nazarov va Buxoro davlat universiteti rektori O.X. Xamidov birgalikda Agronomiya va Biotexnologiya fakultetiga tashrif buyurdilar.
Tashrif davomida mehmonga dastlab Agranomiya va Biotexnologiya fakulteti to‘g‘risida, fakultetdagi ta’lim yo‘nalishlari hamda kafedralar, talabalarning bilim olishi uchun yaratilgan shart-sharoitlar to‘g‘risida ma’lumotlar taqdim etildi.
A.I. Nazarov Agronomiya va botexnologiya fakulteti Biotexnologiya va oziq-ovqat xavfsizligi kafedrasi huzurida tashkil etilgan “Biotexnologiya va Gidrobiologiya” ilmiy tadqiqot laboratoriyasi va uning imkoniyatlari bilan yaqindan tanishdi.
A.I. Nazarov Agronomiya va tuproqshunoslik kafedrasining tuproqshunoslik laboratoriyasi hamda uning ilmiy-texnik bazasi bilan yaqindan tanishtirildi.
Tashrif davomida A.I. Nazarov “Ziyo-fermer” o‘quv-ilmiy markazida rejalashtirilgan o‘quv jarayonlari bilan batafsil tanishtirildi. Tashkil etilgan o‘quv markazida viloyat fermerlari uchun “Zamonaviy dehqonchilik tizimlari va urug‘chilik muammolari, Tuproq unumdorligini oshirish va meliorativ holatini yaxshilash, Buxoro viloyatidagi baliq xo‘jaliklarini mahsuldorligini oshirish, Qishloq xo‘jalik ekinlarini turli usullarda himoya qilish, Buxoro viloyatida mavjud bog‘lardan samarali foydalanish va zamonaviy bog‘dorchilik tizimlari, Qishloq xo‘jalik ekinlarini o‘g‘itlashdagi muammolar va zamonaviy o‘g‘it qo‘llash usullari, Qishloq xo‘jaligida yetishtirilayotgan o‘simliklar tasnifi” yuzasidan tashkil etilgan ustivor vazifalarni o‘z ichiga olgan o‘quv dasturi bilan tanishtirildi.
A.I. Nazarovga chiqindi suvlarni yuksak suv o‘tlar yordamida tozalash va biomassani baliqchilikda oziqa sifatida qo‘llash borasida, Xlorella vulgarisni baliqga, parrandaga, chorvaga hamda ipakchilikda qo‘llash borasida professor S.B. Bo‘riyev ma’lumotlar taqdim etdilar. Sabzavot makkajo‘xorisi va uning istiqbolli navlari to‘g‘risida I. Rahmatov ma’lumotlar va namunalar taqdim etdi. Bundan tashqari, tashrif buyurganlarga dorivor o‘simliklar va ularning xususiyatlari hamda yetishtirish qayta ishlash texnalogiyalari borasida ma’lumotlar berildi.
Tashrif davomida iqtidorli talabalar tomonidan olib borilayotgan ilmiy tadqiqot ishlari yuzasidan ham ma’lumotlar berildi. Bunda manzarali gulchilikni va pavloniya nihollarini o‘stirish hamda ko‘paytirish to‘g‘risida talabalar tomonidan taqdimotlar namoyish etildi.
Tashrif hozirgi kunda dolzarb mavzu bo‘lgan yashil makon umummilliy davlat dasturi ijrosi bo‘yicha tashkil etilgan yashil makon maydoni faoliyati bilan yaqindan tashishish bilan yakunlandi.
