2022-yil 28-noyabr kuni Fizika-matematika fakulteti tyutorlari tashabbuslari bilan universitet faollar zalida 9-dekabr "Xalqaro korrupsiyaga qarshi kurashish kuni"ga bag'ishlangan "Biz Korrupsiyaga qarshimiz mavzusida davra suhbati bo'lib o'tdi. Tadbirni fizika-matematika fakulteti yoshlar masalalari va ma'naviy-ma'rifiy ishlar bo'yicha dekan o'rinbosari A.N.Ubaydullayev ochib berdi.
Tadbirda universitet Komplaens nazorat Korrupsiyaga qarshi kurash bo'limi boshlig'i Y.K.Quliyev so'zga chiqib, Yurtimizda korrupsiyaga qarshi kurashish sohasidagi davlat siyosatining asosiy yo'nalishlari qilib, talabalarning huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish, davlat va jamiyat hayotining barcha sohalarida korrupsiyaning oldini olishga doir chora-tadbirlarni amalga oshirish kerakligi hamda korrupsiyaning qonunan taqiqlanganligi, korrupsion qonunlar va moddalar bilan talabalar yana bir bor tanishtirildi.
