Bugun xalqimizning mangu qo‘shig‘i, g`urur va iftixor bayoti, mustaqilligimiz nishonasi — madhiyamiz yaralgan kun.
BuxDU rektori Obidjon Xamidov boshchiligida rahbariyat vakillari hamda universitetning yoshlar ittifoqi boshlang'ich tashkiloti yetakchilari Hazrati imom qabristonida ushbu qutlug` kun sababchilaridan biri bo`lgan Oʻzbekistonda xizmat koʻrsatgan sanʼat arbobi, xalq artisti, madhiyamiz bastakori Mutal Burhonov qabrini ziyorat qilishdi.
Shundan so`ng Buxoro shahrining Bahouddin Naqshband ko‘chasida joylashgan Mutal Burhonov uy-muzeyiga borishdi. Uy-muzeyidagi “Mutal Burhonov umr yo‘li”, “Bastakor ijod xonasi”, “E’tirof, ehtirom”, “Musiqa tarixi” kabi bo‘limlarni ko`zdan kechirib, Markaziy Osiyoda musiqa san’ati rivojlanishiga oid hujjatlar, XVIII asrda Buxoroda shakllangan “Shashmaqom”ning dastlabki notaga solinishi, u bilan bog‘liq ilk tadqiqotlar, O‘zbekiston madhiyasi musiqasining yaratilish jarayoni aks etgan lavhalarning guvohi bo`lishdi.
