Buxoro davlat universiteti bosh faollar yig`ingohida "Xalqaro korrupsiyaga qarshi kurashish kuni" munosabati bilan tadbir bo`lib o`tdi.
Bayram tadbiri Oʻzbekiston Respublikasi Davlat madhiyasi bilan boshlandi. BuxDU rektori Obidjon Xamidov ushbu sana bilan muborakbod etish asnosida O`zbekistonda korrupsiyaning oldini olishga qaratilgan amaliy ishlar xususida gapirib, tadbirni ochib berdi.
Tadbir mobaynida talabalar tomonidan bugungi kecha-kunduzdagi korrupsion holatlar, xususan, kredit modul tizimida qarzdorlikni pora bilan bartaraf etish, ishga joylashishda korrupsiyaga yo`l qo`yish, amaliyot jarayonlariga bormasdan pul berish, sessiya davrida pora berish kabi bir qator masalalar sahna ko`rinishi shaklida ijro etildi.
Tadbir davomida “Eng yaxshi videorolik”, “Eng yaxshi maqola (blog,post) muallifi”, “Eng yaxshi audio nutq”, “Eng yaxshi chizma rasm (plakat)”, “Eng yaxshi banner”, “Eng yaxshi prezentatsiya", “Korrupsiyaviy xavf-xatarlarga oid eng yaxshi tahliliy material va innovatsion g‘oyalar" kabi yo`nalishlarda g`olib bo`lgan talabalar pul mukofoti bilan taqdirlanishdi.
