Ushbu xaftada TDIU "Biznes boshqaruvi va logistika" kafedrasi professor - o‘qituvchilari A.S, Kucharov hamda S.A.Salixovlar Buxoro davlat universitetiga tashrif buyurishdi. Tashrif davomida "Iqtisodiyot" fakulteti kafedralari professor - o‘qituvchilari xamda talabalari uchun “LOGISTIKA VA BOJXONA FAOLIYATI: TIF VA ZAMONAVIY MENEJMENT” va “LOGISTIKA VA TA’MINOT ZANJIRINI BOSHQARISH: RAQAMLASHTIRISH VA ZAMONAVIY MENEJMENT” mavzularida talabalar hamda professor - o‘qituvchilar uchun 24 soatlik seminar - treninglar o‘tkazildi. Bugungi kunda logistika va bojxona ishini o‘rganish, tadqiq etish, amalga oshirish, jarayonlarni boshqarish samaradorligini oshirish, takomillashtirish masalasi bugungi globallashuv sharoitida har qachongidan ham dolzarb masala hisoblanadi.
Trening davomida tovar moddiy boyliklar harakatini boshqarish, zaxiralarni boshqarish va ishlab chiqarilgan mahsulotlar, ombor xo‘jaligini boshqarish kabilarni o‘zida aks ettirishdan tashqari axborot logistikasida boshqaruv ya’ni ma’lumotlarni to‘plash va axborotlarni qabul qilish, optimal qaror qilishda boshqaruv jarayonlarini tadqiq etish masalalari ko‘rib chiqildi.
