Buxoro davlat universitetida 16- noyabr - Xalqaro bag'rikenglik kuni munosabati bilan "Ma'rifat va millatlararo bag'rikenglik" shiori ostida "Bag'rikenglik haftaligi" doirasida "YANGI O'ZBEKISTON- MILLATLARARO TOTUVLIK DIYORI" mavzusida madaniy-ma'rifiy tadbir bo'lib o'tdi. Tadbir viloyat hokimligi, Respublika Ma'naviyat va ma'rifat markazi Viloyat bo'limi, viloyatning barcha milliy markaz vakillari ishtirokida bo'lib o'tdi.
Buxoro viloyat hokimining o‘rinbosari M.Hamrayev barcha ishtirokchilarni bayram bilan qutlab, o‘zbek xalqi azaldan totuvlik , do‘stona munosabat, bag‘rikenglik timsoli yo‘g‘rilgan millat sifatida barcha elatlar ichida ajralib turadi deya kirish so'zi bilan tadbirni ochib berdi.
Tadbir davomida barcha milliy madaniy markaz vakillari Respublika ma’naviyat markazi Buxoro viloyat bo‘limi tomonidan tashkkurnoma hamda qimmatbaho sovg‘alar bilan taqdirlandi.
Tadbirga viloyat hokimligi, Respublika Ma’naviyat va ma’rifat markazi Buxoro viloyat bo‘limi, viloyat madaniyat boshqarmasi, viloyatdagi totor, rus, koreys, turk, tojik, polyak, qozoq, ozarbayjon, yahudiy milliy madaniy markaz vakillari tashrif buyurdilar. Tadbirda milliy markaz vakillari tomonidan bayramona konsert dasturi namoyish etildi.
