Buxoroda ilk bor BukhSU Scientific Biotechnology Spinoff unitar korxonasi tashkil etildi
Buxoro davlat universiteti Agronomiya va biotexnologiya fakultetida BukhSU Scientific Biotechnology unitar korxonasining ochilish marosimi bo'lib o'tdi. Ushbu marosimda BuxDU rektori Obidjon Xamidov, viloyat tashkilotlari hamda korxonalardan tashrif buyurgan mehmonlar, professor-o'qituvchilar, doktorantlar ishtirok etishdi. Ochilish marosimi davomida Ko'chma Sayyor laboratoriya faoliyati bilan yaqindan tanishildi.
Shu bilan birga Buxoro davlat universitetida Ziyo-Fermer o'quv-ilmiy markazi tashkil etildi. Ochilish marosimi davomida BuxDU Agronomiya va biotexnologiya fakultetida tashkil etilgan Ziyo-Fermer o'quv-ilmiy markazi faoliyati to'g'risida malumotlar berib o‘tildi. Ushbu markazning maqsadi - qishloq xo‘jaligi mahsulotlarini yetishtirishda eng zamonaviy innovatsion texnologiyalardan foydalanishni fermerlarga o‘rgatish, bilimli va malakali fermerlarni malakasini oshirish va qishloq xo‘jaligi sohasida tadbirkorlik ko‘nikmalarini oshirish sirlarini ochib berishdan iborat.
Yashil olamni saqlash va yashil hududlarni kengaytirish barchamizning fuqarolik burchimizdir. Agronomiya va biotexnologiya fakultetidagi tashrif davomida universitet jamoasi va mehmonlar bilan birgalikda "Yashil makon" lohiyasi doirasida archa ko`chatlari ekildi.
