“InnoWeek.UZ-2022” Xalqaro innovatsion g`oyalar haftaligiga ishtirok etish maqsadida Saudiya Arabiston Qirolligining “Fan va texnologiya” universiteti (KAUST) prezidenti, professor Toni Chan va KAUST rektori, doctor Teofilo Abrajanolar O`zbekistonga kelgan edilar.
Mehmonlar Buxoro davlat universitetidagi ilmiy va innovatsion faoliyat bilan yaqindan tanishish maqsadida tashrif buyurishdi.
Saudiya Arabiston Qirolligining “Fan va texnologiya” universiteti (KAUST) prezidenti, professor Toni Chan va KAUST rektori, doctor Teofilo Abrajanolar Buxoro davlat universiteti rektori Obidjon Xamidov bilan birgalikda yashil energetika hududi, "Biznes Akselerator" hamda uning tarkibidagi Robotexnika markazi faoliyati bilan tanishishdi. Axborot resurs markaziga tashrif buyurib, talabalar uchun yaratilgan shart-sharoitlarni ko`zdan kechirishdi.
BuxDUdagi VATEL instituti bilan hamkorlikdagi qo'shma dastur talabalari faoliyati, BuxDUda talaba-yoshlar uchun sport borasida yaratilgan sharoit bilan tanishishdi.
Samimiy tashrif davomida BuxDU rektori Obidjon Xamidov hamda mehmonlar o`rtasida ta'lim masalasida o`zaro hamkorlik olib borish yuzasidan so`z bordi.
Ma`lumot o`rnida aytish joizki, Qirol Abdulla nomidagi Saudiya Arabistoni Fan va texnologiya universitetiga (KAUST) 2009-yilda asos solingan.
Saudiya Arabistoni qiroli Abdulloh ibn Abd al-Aziz sharafiga nomlangan. Nature Index bo`yicha eng tez rivojlanayotgan 40 ta universitet qatoriga kiritilgan. KAUST oliy ta’lim bilan birlashtirilgan o`ziga xos hamkorlik orqali fan va texnologiyani rivojlantirishni maqsad qilgan. Saudiya Arabistoni va butun dunyoda innovatsiyalar, iqtisodiy va ijtimoiy sohalarni rivojlantirishda muhim yo`nalishlarga ega hisoblanadi.
BuxDU Matbuot xizmati
