Ingliz adabiyotshunosligi kafedrasi tomonidan “Adabiyotshunoslik va tarjimashunoslikning dolzarb muammolari: adabiy jarayon, qiyosiy adabiyotshunoslik, uslubshunoslik va tilshunoslik masalalari” mavzusida xalqaro miqyosidagi ilmiy-amaliy anjuman o’kazildi. Anjumanda jami 6 ta davlatdan professor-o’qituvchilar ishtirok etdi, jumladan, AQSh davlat deprtamenti ingliz tili mutaxassisi Vivianna Marcel, Ingliz tili o’qitish assistenti Eshli Leyn Fulbrayt (AQSH), Qozog’iston Davlat Universiteti fan doktori (PhD) Madina Abduraxmonova, Pedagogika fanlari bo’yicha falsafa doktori Laura Ibrayeva, professor M. Narikbayev nomidagi Qozog’iston Davlat Universiteti, S. Vrushaa Ledi Doak kolleji (Hindiston), Dr. Ana Liliya Para Federal Universiteti (Braziliya), Pedagogika fanlari nomzodi Irina Kondratyeva, Qozon Federal universiteti Xorijiy tillar kafedrasi mudiri, Pedagogika fanlari nomzodi Qozon Federal universiteti xorijiy tillar kafedrasi dotsenti Xismatulina Lusiya Gumerovnalar ishtirok etishdi. Xalqaro hamkorlik bo’yicha prorektor A. T. Jo’rayev anjumanni ochib barcha ishtirokchilarga universitet ma’muriyati tomonidan omad tiladi. Anjumanda adabiyotshunoslik va tarjimashunoslikning dolzarb muammolari, soha yangiliklari, tilshunoslik taraqqiyoti kabi masalalar yuzasidan ma’ruzalar o’qildi. Anjumanda xorijiy tillar fakulteti dekani f. f. d dotsent N. B. Ataboyev, f. f. n dotsent D. I. Xodjayeva, kafedra professor o’qituvchilari: f. f. d. dotsent M. B. Axmedova, f. f. d. dotsent L. J. Jalilovalar ham ma’ruza bilan ishtirok etdilar. Konferensiya oflayn va zoom platformasi orqali o’tkazildi.
Anjuman so’ngida sohalar yuzasidan istiqbolli rejalar, o’zaro hamkorlikni yanada kengaytirish va o’zaro tajriba almashish masalalari kelishib olindi.
Konferensiyada 20 ga yaqin xorijlik olimlar o’zlarining ilmiy maqolalari bilan onlayn tarzda ishtirok etdi.
“Umrboqiy meros” O’zbekiston madaniyati va san’ati targ’ibot markazi nodavlat notijorat tashkiloti va Ingliz adabiyotshunosligi kafedrasi bilan hamkorlik shartnomasi imzolandi.
