Bugun Buxoro davlat universitetiga Qozon Federal universiteti Xalqaro aloqalar instituti direktori Xayrutdinov Ramil Ravilovich boshchiligidagi delegatsiya tashrif buyurdi.
Tashrif davomida delegatsiya a’zolari ishtirokida "Islohotlar xalq uchun" markazida uchrashuv bo`lib o`tdi.
Uchrashuv mobaynida ilmiy-innovatsion va o‘quv faoliyatini rivojlantirishga oid masalalar muhokama qilindi. Tarix va madaniy meros, pedagogika, iqtisodiyot va turizm yo`nalishlarida hamkorlikni mustahkamlash, o`quv rejalarini, hamkorlik dasturlarini amalga oshirish, talabalar almashinuvi, qo`shma dasturlarni tashkil etish (arxeologiya yo`nalishida), ilmiy grandlar, yuqori impact faktorli jurnallarda maqolalar chop etish, o`qituvchilarning stajirovkasini tashkil etish bo`yicha hamkorlik memorandumlari amalga oshirildi.
O`zaro Zamonaviy universitet konsepsiyasi hamda fakultetlar kesimida hamkorlik o`rnatish masalalari muhokama qilindi.
