2022-yilning 31-mart kuni Universitetiga AQSH elchisi janob Daniel Rosenblum tashrif buyurdi. Delegatsiya a’zolari rektor O.X.Xamidov boshchiligidagi universitet jamoasi tomonidan kutib olindi.
Elchi janoblari bilan uchrashuvda universitetdagi bugungi kundagi ta’lim jarayonlari, mavjud imkoniyatlar, ilmiy faoliyat, xalqaro hamkorlik yo’nalishlari, AQSH OTMlari bilan amalga oshirilayotgan loyihalar to’g’risida ma’lumotlar berildi. O’z navbatida janob Daniel Rosenblum hamkorlikni yanada rivojlantirishda elchixona tomoni doimiy hamkorlikka tayyorligini bildirdi.
Uchrashuvning ikkinchi qismida, elchi janoblari AQSH elchixonasi homiyligida tashkil etilgan drama to‘garagi, Amerika adabiyoti klubi va Access Microscholarship dasturi doirasida ta’lim olayotgan talabalar bilan uchrashdi. Uchrashuv davomida talabalar tomonidan to’garaklar faoliyati yanada rivojlantirish bo’yicha takliflar berildi.
Uchrashuv yakunida hamkorlikni kengaytirish, ta’lim loyihalarini qo’llab quvvatlash kabi masalalar kelishib olindi.
