2022-yil 31-mart kuni Eron Islom Respublikasining O‘zbekiston Respublikasidagi elchisi janob H.E. Hamid Nayyirobodiy Buxoro davlat universitetiga tashrif buyurdi. Rektor O.X. Xamidov boshchiligidagi universitet rahbariyati elchi janoblarini kutib oldi. O’zaro hamkorlik ruhida o’tgan uchrashuvda O.X.Xamidov tomonidan universitetda mavjud yo’nalishlar, mutaxassisliklar, xalqaro hamkorlik loyihalari va qo’shma dasturlar haqida ma’lumotlar berildi.
Shuningdek, Elchi janoblari H.E. Hamid Nayyirobodiy Axborot Resurs Markazida bo’lib, ARMda mavjud resurslar, imkoniyatlar bilan tanishdi. Uchrashuv yakunida Eron Islom Respublikasi OTMlari bilan hamkorlikni, talaba va professor-o’qituvchilari o’rtasida almashinuv dasturlarini rivojlantirish masalalari bo’yicha kelishuvlarni yo’lga qo’yish takliflari berildi.
