Buxoro davlat universitetida Buxoro viloyatidagi maktablarda shart-sharoitlarni yaxshilash, ta’lim sifatini oshirish, maktab ta’limi bo‘yicha ilg‘or xalqaro tajribalarni o‘rganish va joriy qilish, Buxoro davlat universiteti bilan maktablar o‘rtasidagi hamkorlikni kengaytirishga qaratilgan “Buxoro tajribasi”ni yo‘lga qo‘yish bo‘yicha topshiriqlar ijrosini ta’minlash maqsadida finlandiyalik hamkorlar bilan 2-marotaba onlayn seminar-trening bo`lib o`tdi. Seminar-trening bu safar nafaqat viloyatdagi, balki respublikadagi matematika fani o`qituvchilarini qamrab oldi.
“So`nggi paytlarda Finlandiyadagi ta’lim tizini dunyodagi eng yaxshi tizimlardan hisoblanib, yuqori darajada rivojlangan. Ayniqsa, Matematika o`qitish metodikasi eng yuqori darajada deya dunyoda tan olinadi. Finlandiyada o'quv materiallari matematik ta'limga qiziqadigan va hozirda maktablarda ishlaydigan oddiy o'qituvchilar tomonidan tayyorlanishi maktabdagi sharoitlarni juda yaxshi bilgan siz uchun ham boy tajriba maktabi bo`la oladi. Finlandiyaning ta‟lim sohasidagi ijobiy tajribasini ta‟lim tizimini o`rganish, kadrlar malakasini oshirish va pedagog kadrlarni qayta tayyorlash tizimini o`rganish, Finlandiyaning o`qitish tizimidagi bir qancha yutuqlari va afzalliklarini tahlil qilgan holda milliy o`qitish tizimiga asos tariqasida qayta takomillashtirish, ya’ni Buxoro tajribasini yo`lga qo`yish asosiy maqsadimizdir,” – dedi seminar-treningni ochib bergan rektor Obidjon Xamidov.
Shundan so`ng so`zga chiqqan Ta’lim sifatini nazorat qilish Davlat inspeksiyasi boshlig`i o`rinbosari Odil Qo`ysinov, Xalq ta’limi vazirligi, Ta’lim sifati jarayonlarini muvofiqlashtirish departamenti direktori Laziz Xo`jaqulov, Finlandiyaning O`zbekistondagi faxriy konsuli Alisher Jo`rayevlar maktab ta’limida ilg‘or xorijiy tajribani joriy qilish masalalariga ham alohida to‘xtalib, qatnashuvchilar uchun ushbu seminar-treningning ahamiyati, matematika fanining istiqboli xususida atroflicha fikrlarini bildirishdi.
Finlandiyalik matematika fani o`qituvchilari Topias Nikola hamda Pasi Savola tomonidan berilgan tavsiyalar ishtirokchi o‘qituvchi va mutaxassislarda katta qiziqish uyg‘otdi.
Ikkinchi marotaba bo`lib o`tayotgan ushbu seminar-trening o`z oldiga qo`ygan maqsad yo`lida kerakli ko`nikmalarni berib bormoqda.
