“Veteran” jangchi-faxriylari ardog‘imizda!
Bugun Buxoro davlat universitetida "Veteran" jangchi-faxriy va nogironlari Birlashmasi tashkil etilganligining 28 yilligi hamda Afg`onistonda xalqaro terrorizm va diniy ekstremizmga qarshi harbiy harakatlar tugallanganligining 33 yilligi munosabati bilan mazkur urushda ishtirok etgan, BuxDUda uzoq yillardan beri faoliyat ko`rsatib kelayotgan bir guruh professor-o`qituvchi hamda ishchi-xodimlar universitet rahbariyati tomonidan taqdirlanildi.
Tadbirni universitet rektori, professor O.X. Xamidov kirish so‘zi bilan ochib, urushning insoniyat tarixiga nechog‘lik zarar yetkazganligini, yurt tinchligi yo‘lida xizmat qilgan urush qatnashchilari har doim e`tirofda bo‘lishini alohida ta`kidlab o‘tdi. Universitet kasaba uyushma qo‘mitasi raisi professor S.Q. Qahhorov tabrik so‘zlaridan so‘ng, universitetda faoliyat ko‘rsatayotgan afg‘on urushi qatnashchilariga universitet ma`muriyati tomonidan rag‘batlantirish puli hamda kasaba uyushma qo‘mitasining esdalik sovg‘alari, faxriy yorliqlar topshirildi.
Namozov Bobir Bahriyevich - Islom tarixi va manbashunosligi, Falsafa kafedrasi mudiri
Najmiddinov Gulmurod Sadridinovich - Yuridik bo`lim boshlig`i
Qurbonov Kamol Salomovich - Chilangar
Sharipov Olim Muxammedovich - Marketing va talabalar amaliyoti bo`limi bosh mutaxassisi
Obid Abdullayev - Qurilish-ta'mirlash bo`limi boshlig`i
Kamolov Jalol Toxirovich - Fuqaro va mehnat muhofazasi bo`limi muhandisi
Ismatov Shuhrat Ubaydovich - O`qituvchi
Tadbir mobaynida Buxoro davlat universiteti rektori Obidjon Xamidov hamda universitet Kasaba uyushma qo‘mitasi raisi Siddiq Qahhorovlarga O`zbekiston "Veteran" jangchi-faxriy va nogironlari birlashmasi raisi Murodov Tal'at Pardayevich nomidan yuborilgan faxriy yorliqlar Kogon tuman, shahar "Veteran" jangchi-faxriy va nogironlari Birlashmasi raisi Gulmurod Najmiddinov tomonidan topshirildi.
Tadbir davomida qatnashchilarning urush davridagi xotiralari, kechinmalari yig`ilganlarda chuqur taassurot qoldirdi. Tinchlikning qadriga yetish, urushning o`nglanmas talofatlari haqidagi mulohazalar tinglandi.