UNIWORK: Markaziy Osiyo oliy ta’lim muassasalarida karera markazlari faoliyatini kuchaytirish orqali bitiruvchilarning ish o’rinlarini yaratish hamda ishga joylashish imkoniyatlarini kengaytirishTadbir: Yoshlar o’rtasida ish bilan bandlik va tadbirkorlik masalalari bo’yicha mintaqaviy forumSana: 10-11 mart 2016 y.O’tkazish joyi: Buxoro davlat universiteti (Uniwork Regional Forum programme final.pdf) “UNIWORK: Markaziy Osiyo oliy ta’lim muassasalarida karera markazlari faoliyatini kuchaytirish orqali bitiruvchilarning ish o’rinlarini yaratish hamda ishga joylashish imkoniyatlarini kengaytirish” loyihasi oliy ta’lim muassasalari bilan ishlab chiqarish sohasi o’rtasidagi aloqalarni kuchaytirishga qaratilgan. Buning natijasida loyiha bitiruvchilarni ish bilan ta’minlash hamda talabalar orasida tadbirkorlik madaniyatini targ’ib qilish borasida OTMlarning salohiyatini yuksaltirishga hissa qo’shadi. Loyihani amalga oshirish natijasida quyidagi maqsadlarga erishiladi: ish bilan bandlik va tadbirkorlik sohasida Markaziy Osiyo hamda Evropa Ittifoqida to’plangan ilg’or tajriba bo’yicha ma’lumotlar bazasi yaratiladi; hamkor OTMlardagi 12 ta karera markazi xodimlarining salohiyati oshiriladi; mazkur markazlar faoliyatining tashkiliy mexanizmlari takomillashtiriladi; talabalar uchun karera kunlari, bandlik yarmarkalari, biznes-reja tanlovlari tashkil qilish orqali turli xizmatlar taklif qilinadi; manfaatdor tomonlar hamda korxonalar bilan hamkorlik kuchaytiriladi; erishilgan natijalar maqsadli guruhlar hamda manfaatdor tomonlarga taqdim qilinadi. Loyihaning barqaror faoliyati va natijalari nafaqat ishtirokchi 12 OTM, balki mintaqadaga barcha tegishli tashkilot va ta’lim muaasasalari uchun foydali bo’ladi.
