O‘zbekiston Respublikasi Moliya vazirligi tomonidan byudjet tashkilotlari buxgalterlik hisobini yurituvchi “UzASBO” dasturiy majmuasi 2011 yilda foydalanishga tapshirilgan bo‘lib, O‘zbekiston Respublikasi Adliya vazirligida 2010 yil 22 dekabrda 2169-son bilan ro‘yxatga olingan “Byudjet tashkilotlarida buxgalteriya hisobi to‘g‘risidagi yo‘riqnoma” talablariga to‘liq beruvchi va respublikamizda Web-texnologiyaga asoslangan holda ishlab chiqilgan ilk dasturiy majmualardan biridir. Dasturdan foydalanish bepul bo‘lib, hozirda dasturdan 26000 dan ortiq tashkilotlar foydalanib kelmoqda.Bugungi kunda byudjet tashkilotlari shaxsiy g‘azna hisobvaraqlaridan ko‘chirmalarni elektron ko‘rinishda mazkur dasturiy majmuadan olish imkoniyatiga ega. Shuningdek, dasturiy majmua orqali to‘lov topshiriqnomalar g‘aznachilik organlariga va moliyaviy hisobotlar yuqori turuvchi tashkilotlarga hamda moliya organlariga elektron raqamli imzo bilan tasdiqlangan holda to‘liq elektron ko‘rinishda taqdim etilmoqda.2012 yilda “UzASBO” dasturiy majmuasining byudjet tashkilotlari xodimlarining ish haqi va unga tenglashtirilgan to‘lovlarini hisoblashga ixtisoslashtirilgan alohida moduli ishlab chiqildi. Hozirda byudjet tashkilotlari tomonidan ish haqi va unga tenglashtirilgan to‘lovlar bo‘yicha xarajatlarga naqd pul olishga so‘rovnomalar -g‘aznachilik organlariga, jamg‘arib boriladigan pensiya badallari bo‘yicha xodimlar reyestri - Xalq banki filiallariga, plastik vedomostlar ro‘yxati esa Ipoteka bank, Agrobank, Mikrokreditbank, Qishloqqurilishbank, O‘zsanoatqurilishbank, Asaka bank, Ipak yo‘li banklariga elektron ko‘rinishda yuborilmoqda. 2016 yil fevral oyidan boshlab esa yana bir yangi xizmat turi joriy etildi. Endilikda byudjet tashkilotlarida ishlovchi xodimlar “UzASBO” dasturiy majmuasida hisoblangan ish haqi va boshqa to‘lovlar to‘g‘risida SMS orqali ma‘lumot olishlari mumkin. Buning uchun 7878 qisqa raqamiga zp*12345*01*2016 ko‘rinishida SMS yuboriladi. zp - Lotincha simvol bo‘lib oylik ish haqi malumotini bildiradi va o‘zgarmas hisoblanadi.12345 - xodim kodi hisoblanib 1-9999999 gacha bo‘lgan raqam bo‘lim har bir xodim uchun aloxida beriladi.01 - oy nomeri bo‘lib 01-12 raqamlaridan iborat bo‘lishi mumkin.2016 - yil raqami bo‘lim 4 raqamdan iborat bo‘lishi lozimXodim kodining raqami va 7878 raqamidan keladigan javob SMS matnida to‘lov turlarini ko‘rsatishda foydalanilgan qisqartma nomlar bo‘yicha tashkilot hisobchisidan to‘liq ma‘lumot olish mumkin. Manba: mf.uz
