Fakultetimiz O`zbekiston Respublikasi Mudofaa hamda Oliy va o`rta maxsus ta’lim vazirliklarining 2004 yildagi qo`shma farmoishiga muvofiq tashkil etilgan,-deydi Buxoro davlat universitetining chaqiriqqacha harbiy ta’lim fakul’teti o`quv bo`limi boshlig`i mayor A’lomirzo Boboyev,-Hozirgi kunda o`quv dargohimizda Qurolli Kuchlarimiz uchun zaxiradagi ofitser hamda “Chaqiriqqacha harbiy ta’lim” bakalavr yo`nalishi va magistr mutaxassisligi bo`yicha pedagog kadrlarni tayyorlash uchun barcha sharoitlar yaratilgan. Davlatimiz rahbarining bayram tabrigida alohida ta’kidlanganidek,ilg`or axborot-kommunikatsiya texnologiyalari sohasidagi zamonaviy yutuqlardan foydalangan holda,o`quv jarayonlarga ta’limning innovatsion shakl va uslullarini joriy etish orqali harbiy va pedagog kadrlarni tayyorlash tizimini eng yangi metodlar asosida takomillashtirish borasidagi ishlar davom etmoqda. Ma’lumki,chaqiruvga qadar boshlang`ich tayyorgarlik fani o`quv dasturining talabiga ko`ra ta’lim berishda o`quvchilarga harbiy qismlardagi qo`shinlarning jangovor-o`quv faoliyatida bajariladigan mashqlar, harakatlar va amallarni harbiy qismlardagi qo`shinlarning jangovor-o`quv faoliyatlariga mumkin qadar yaqinlashtirilgan holda o`rgatish ko`zda tutilgan. Bu esa chaqiruvga qadar boshlang`ich tayyorgarlik fani o`qituvchisining yuqori bilim va ko`nikmaga ega bo`lishini talab etadi. “Fakul’tetimizda talabalar nazariy mashg`ulotlar bilan bir qatorda jangovor tayyorgarlik mashg`ulotlarida ham ishtirok etishadi.Dala-o`quv mashg`ulotlariga 216 soat vaqt ajratilgan. Bu mashg`ulotlarda talabalar qurol-yarog` va harbiy texnika, jumladan, havo hujumidanmudofaa vositalari, bronetank qurollari, artilleriya tizimlari, aloqa vositalari,alohida va guruh bo`lib himoyalanish vositalarining tuzilishi va io`latilishi, shuningdek, har bir vzvod va guruhning imkoniyatlari, jangovor vazifalarni bajarishda tanlangan usullarning maqsadga muvofiqligi kabi masalalar bo`yicha puxta saboq olishadi ”, deydi biz bilan suhbatda podpolkovnik Inomjon O`razaliyev. Ofitser o`qituvchilarning pedagogik mahoratini oshirish,yangi innovatsion texnologiyalarni yaratish,uslubiy ishlanmalarni muhokama qilish masalalari fan uslubiy kengashi yig`ilishida ko`rib chiqiladi,-deydi podpolkovnik Ashurahmad Qodirov. – Bundan tashqari talabalarning ijodiy qobiliyatini, fanlarni o`zlashtirish darajasini oshirish maqsadida har oyda ularning har biriga o`quv topshiriqlari biriktirilgan. Bu vazifalarning bajarilishi ham mazkur kengash yig`ilishida muhokama qilinib,kelgusi ishlar belgilab olinadi. Asliddin Uzoqov, podpolkovniklar Anvar Esanov, Rustam Bekchanov, mayor Yo`lchi Abdullayev, leytenantlar Sherzod Abdurahmonov, Xusen Safoyev kabi kafedramiz o`qituvchilarining ilmiy maqolalari respublika va mahalliy va ommaviy axborot vositalarida muntazam chop etilmoqda. Fakul’tet faoliyati bilan yaqindan tanishar ekanmiz,taktik tayyorgarlik, fuqaro muhofazasi, o`q otish va uni o`qitish uslubiyoti, maxsus tayyorgarlik, ommaviy qirg`in qurollaridan himoya kabi fanlarning o`quv xonalari bugungi kun talablari asosida jihozlangan, o`quv qurollari bilan ta’minlanganiga guvoh bo`ldik. Lingafon o`quv xonasida esa talabalar bilan chet tili fani o`qitilayotgan ekan. Fotoelektron otish trenajyorida barcha turdagi o`tochar qurollar mavjud. Talabalarning fanlarni o`zlashtirish darajasi,dunyoqarashi,ma’naviy-ruhiy tayyorgarligi ularning erishayotgan yutuqlarida ko`zga tashlanadi,-deydi potpolkovnik Iqbol Ilhomov. – Talabamiz Farhodjon Turayev universitet miqiyosida bo`lib o`tgan “Men diniy ekstrimizm tahdidini qanday tushunamiz?” tanlovida ishtirok etib,1-o`rinni egalladi. Yana bir talaba Husniddin Farmonov nomutaxassislik fanlar yo`nalishi bo`yicha o`tkazilgan olimpiadada zoologiya fanidan eng yuqori ballni to`plab,g`olib bo`ladi. Ularning har ikkalasi hozir respublika bosqichiga tayyorgarlik ko`rmoqda. Birinchi kursda o`qiyotgan Behruzjon Kenjaev esa “Kamolot” yoshlar ijtimoiy harakatining “YOsh tadbirkor-elga madadkor” loyihasida ishtirok etib,25 million so`mlik kreditni qo`lga kiritdi. Ta’limning yangi uslublari,ilg`or pedagogik va zamonaviy axborot texnologiyalari keng joriy qilingan Buxoro davlat universitetining harbiy fakul’teti yoshlarni milliy tiklanish mafkurasi asosida tarbiyalash va umuminsoniy qadriyatlarni anglatish,Vatanga muhabbat, mustaqillik g`oyasiga sadoqat ruhida o`qitish va tarbiyalash bilan bir qatorda yuqori malakali pedagog kadrlar tayyorlash borasida salmoqli ishlarni amalga oshirmoqda. Ayni kunda mazkur fakul’tetning sobiq bitiruvchilari,ya’ni chaqiruvga qadar boshlang`ich tayyorgarlik fani o`qituvchilari chaqiriq yoshiga etmagan yoshlar o`rtasida harbiy xizmat va kasbni har tomonlama targ`ib qilish bilan birga ularning ilk harbiy bilim va ko`nikmalarni chuqur o`zlashtirishlari uchun samarali faoliyat yuritmoqdalar. Manba:” VATANPARVAR” gazetasining 2015 yil 8-maydagi 19-soni
