Inson xotirasi - muqaddas. Inson o‘z shajarasi orqali tarixiy xotiraning muqaddasligini anglay boshlaydi. 9 may - “Xotira va qadrlash kuni” munosabati bilan 2015 yil 3 iyun kuni BuxDU huzuridagi Malaka oshirish institutida “Inson – qadri ulug‘, xotirasi muqaddas” to‘plamining taqdimoti bo‘lib o‘tdi. Unda BDU ma’naviy – ma’rifiy ishlar bo‘yicha prorektor, dots. A.Kadirov, Buxoro viloyat “Nuroniy” jamg‘armasi faollari, Buxoro viloyat “Tarixchilar” jamiyati raisi t.f.n. dotsent U.J.Rashidov, BuxDU Ma’naviyat va ma’rifat bo‘limi, “Tarix” kafedrasi professor - o‘qituvchilariA.SH.Hayitov, dotsent M.Qurbonova, katta o‘qituvchi A.H.Hamroyev, BMTI “Ijtimoiy fanlar” kafedrasi katta o‘qituvchisi M.A. Raxmonova,Buxoro viloyat “Nuroniy” jamg‘armasi huzuridagi “Xotira” muzeyi direktori I.Muhsinov va malaka oshirish instituti tinglovchilari ishtirok etdilar. Ikkinchi jahon urushida ishtirok etgan 34 nafar BDU professor - o‘qituvchilari va xodimlari haqida ma’lumot beruvchi ushbu to‘plam BDU “Arxivshunoslik” yo‘nalishi talabalari yordamida nashrga tayyorlandi. Bugunga kelib 85 yoshni qarshi olayotgan, kundan – kunga chiroy ochib, jahonning nufuzli oliygohlari bilan bellashayotgan, havas qilsa arzigulik oliygoh bo‘lmish Buxoro Davlat Universitetining o‘tmish tarixini zarvaraqlarga muhrlash barchamizning muqaddas burchimizdir.
