2021 yil 21 dekabr sanasida Buxoro davlat universiteti sport zalida Voleybol sport turi bo‘yicha 2021 yil 8-15 dekabr kunlari Qoraqalpog‘iston Respublikasi Nukus shaxrida o‘tkazilgan ayollar o‘rtasida XXIII O‘zbekiston Kubogi musobaqasida ishtirok etib faxrli 3-o‘rinni egallagan Buxoro davlat universitetining “BuxDU qizlar jamoasi”, hamda ushbu musobaqada faol ishtirok etgan “BuxDU o‘g‘il bolalar jamoasi” ning taqdirlash marosimi bo‘lib o‘tdi. Tadbirda BuxDU rektori O.X.Xamidov, BuxDU yoshlar bilan ishlash bo‘yicha rektor o‘rinbosari A.Kadirov, Jismoniy madaniyat fakulteti dekani B.B.Mamurov, Jismoniy madaniyat fakulteti yoshlar bilan ishlash bo‘yicha dekan muovini A.Sh.Inoyatova, BuxDU o‘g‘il qiz bolalar jamoa voleybol murabbiylari F.A.Narzullayev, M.K.Maxmudov, Sh.N.Kadirov, Sh.X.Usmonov, M.Yu.Gafurova, M.A.Fatullayeva hamda “Fakultetlararo jismoniy madaniyat va sport” kafedrasi professor-o‘qituvchilari A.K.Ibragimov, R.S.Baymuradov, O‘.A.Farmonov, R.R.Raxmonov, A.Ibodovlar ushbu tantanali taqdirlash marosimida ishtirok etdilar.Tadbirni BuxDU rektori, O‘zbekiston voleybol federasiyasi Buxoro viloyat bo‘limi raisi O.X.Xamidov so‘zni ochib berib musobaqada qatnashgan o‘g‘il va qiz bolalarni tabriklab bundan keyingi sport faoliyatlarida omadlar tilab qoldilar. Qoraqalpog‘iston Respublikasi Nukus shaxrida o‘tkazilgan ushbu O‘zbekiston kubogi musobaqasining “eng yaxshi Liberosi” nominatsiyasi sohibi Jismoniy madaniyat fakulteti 4-kurs talabasi Xayrullayev Bexruz taqdirlandi.Ayollar o‘rtasida o‘tkazilgan XXIII va erkaklar o‘rtasida o‘tkazigan XXVIII O‘zbekiston kubogi musobaqasida ishtirok etgan talaba-yoshlar va ularning murabbiylariga O‘zbekiston voleybol federatsiyasi Buxoro viloyat bo‘limi tomonidan qimmatbaho esdalik sovg‘alari taqdim qilindi.BuxDU Matbuot xizmati
