О‘zbekiston Respublikasining Davlat madhiyasi qabul qilinganligining 29 yilligi munosabati bilan Yoshlar bilan ishlash, ma’naviyat va ma’rifat bо‘limi tomonidan madaniy-ma’rifiy tadbir tashkil etildi. Tadbirda Respublika Ma’naviyat va ma’rifat markazi Buxoro viloyati bо‘limi rahbari M.D.Pardayeva, О‘zbekiston Yozuvchilar uyushmasi Buxoro viloyati bо‘limi rahbari Sh.Sulaymon va mutasaddi xodimlar ishtirok etdilar. Tadbirni Yoshlar masalalari va ma’naviy-ma’rifiy ishlar bо‘yicha prorektor A.M.Kadirov kirish sо‘zi bilan ochib, bugungi qutlug‘ sana munosabati bilan universitet rektori O.X.Xamidovning tabrigini о‘qib eshittirdi. A.Kadirov “toki Vatanimiz madhiyasi yangrar ekan, millat bor, davlat bor, Vatan bor, О‘zbekiston farzandlari qayerda bо‘lmasin, qanday natijalarga erishmasin Vatan Madhiyasi yer kurrasi aro yangrayveradi” deya ta’kidlab о‘tdi. Joriy yilning 4-10 dekabr kunlari universitet rektori O.X.Xamidov tashabbusi bilan “Vatan madhiyasini eng yaxshi kuylagan fakultet” tanlovi e’lon qilindi. Tanlovda g‘oliblikni qо‘lga kiritgan fakultetlarga 1-о‘rin uchun 1 ta televizor, 2-о‘rin uchun 1 ta kompyuter jamlanmasi, 3-о‘rin uchun planshet bilan taqdirlandi. Tanlov g‘olibi 1-о‘rin sohibi bо‘lgan San’atshunoslik fakulteti xor jamoasi televizor yutug‘i bilan rag‘batlantirilib, ular tomonidan О‘zbekiston Respublikasi Davlat madhiyasi jonli ravishda ijro etdi.Tadbir davomida О‘zbekiston Respublikasi davlat madhiyasining 29 yilligi munosabati bilan 6-10 dekabr kunlari universitetning 5 tashabbus rasmiy kanalida e’lon qilingan “Eng yaxshi rasm”, “Eng yaxshi insho” nominatsiyalari g‘oliblari hamda ayni vaqtga qadar universitetda о‘tkazilgan 15 ta tanlovlarda g‘oliblikni qо‘lga kiritgan 51 nafar talabalar diplom va qimmatbaho sovg‘alar bilan taqdirlandilar.Tadbirda “Milliy g‘oya, ma’naviyat asoslari va huquq ta’limi” kafedrasi katta о‘qituvchisi Shoyev Izzatillo tomonidan Davlat madhiyasining qabul qilinishi, davlat ramzlariga hurmatsizlik qanday jazolanishi tо‘g‘risida talaba-yoshlarga ma’ruza qildi. Tadbir davomida Harbiy ta’lim fakulteti talabalari tomonidan kо‘rgazmali chiqish, shuningdek, San’atshunoslik fakulteti о‘qituvchisi Azamat Rajabov va talabalari Hayotova Zarnigor, Rustamova Malikalar tomonidan Vatan madhini tarannum etuvchi kuy va qо‘shiqlar yangradi.Yoshlar bilan ishlash, ma’naviyat va ma’rifat bо‘limiBuxDU Matbuot xizmati
