Bugun Buxoro davlat universiteti bosh yig`ingohida 3- dekabr “Xalqaro nogironlar kuni" munosabati bilan “Hech kim mehr va e’tibordan chetda qolmaydi!” shiori ostida ma’naviy-ma’rifiy tadbir o`tkazildi.Bugun 3 dekabr – Xalqaro nogironlar kuni. BMT agentliklari, fuqarolik jamiyati tashkilotlari, ta’lim muassasalari va bir qancha tashkilotlar turli tadbirlarda hamkorlik qilish orqali barchani nogironligi bo‘lganlarning muammosini hal etishga va mazkur kunni alohida ruh bilan o‘tkazishga chaqiradi. O`tkazilgan tadbirning maqsadi ham aynan ushbu sananing mohiyatini ochib berish hamda imkoniyati cheklangan talabalarning mehr va e’tibordan chetda emasligi, barcha barobar ekanligini anglatishga qaratilgan edi."Ushbu sana dunyo hamjamiyatini birdamlikka chorlaydigan, mehr-shafqatning ahamiyatini anglatadigan muhim kundir. Shu sanada biz ma’lum bir sabablarga ko‘ra yoki taqdir taqozosi bilan imkoniyati cheklangan kattalar, bolalarning muammolariga alohida e’tibor qaratamiz. Zero, bu hayotni ularning shaxsan o‘zi tanlamagan. Eng muhimi, biz barchamiz tengmiz, insoniylik maqomida barobarmiz. Ularning imkoniyati cheklanganligi orzulari, maqsadlariga to‘siq bo‘lmasligi kerak!" - dedi BuxDU rektori Obidjon Xamidov so`zga chiqish asnosida. Tadbir davomida imkoniyati cheklangan talabalarga e'tirof va e'tibor ramzi sifatida BuxDU rektori O.X. Xamidov tomonidan esdalik sovg'alari topshirildi.Tadbirda so`zga chiqqan BuxDU Yoshlar bilan ishlash bo`yicha prorektori Orif Qodirov imkoniyati cheklangan birorta talaba eʼtibordan chetda qolmasligi, ularning hayotda oʻz oʻrniga ega boʻlishi, kasb oʻrganishi, oʻqishi va ijod qilishi uchun barcha qulayliklar yaratib berilayotgani xususida so`z yuritdi.Universitetning "Buxoriy" talabalar teatr studiyasi tomonidan H.H.Niyoziyning "To`xmatchilar jazosi" asariga ishlangan sahna ko`rinishi tomoshabinlar olqishiga sazovor bo`ldi. San`atshunoslik fakulteti iqtidorli talabalarining badiiy-kompozitsion chiqishlari talabalarga ko`tarinki ruh bag`ishladi. Tadbirda ishtirok eta olmagan talabalarning xonadonlariga fakultet rahbariyati, professor-о‘qituvchilari tomonidan tashrif buyurilib, ahvolidan xabar olindi.BuxDU Matbuot xizmati
